🌷ભજન લખેલું છે 🌷કાનુડા ને તાલી દેવા ગઇ(ધરતી ભજન મંડળ) વડોદરા

Описание: કાનુડાને તાલી દેવા ગઈ કે આજ મારે જોયા જેવી થઈ (2)
કાનુડાને કાંકરી મારવા ગઈ કે આજ મારે જોયા જેવી થઈ
પનઘટ જાતાં મારી સાહેલીયે જોયું
ચોરે બેઠા મારા સસરાજીએ જોયું
સાસુ સુધી વાત પહોંચી ગઈ કે આજ મારે જોયા જેવી થઈ
કાનુડાને તાલી દેવા..........
વહેલી સવારે મારી પાડોશણે જોયું
ઓફિસે જાતા મારા જેઠજીએ જોયું
જેઠાણી સુધી વાત પહોંચી ગઈ કે આજ મારે જોયા જેવી થઈ
કાનુડાને તાલી દેવા...........
દડે રમતાં મારા દેવરજીએ જોયું
નણંદલ છે મારી નટખટ નારી
પરણ્યાજી સુધી વાત પહોંચી ગઈ કે આજ મારે જોયાં જેવી થઈ
કાનુડાને તાલી દેવા.............
પરણ્યો મુજને બહુ ખીજાયો
કોર્ટમાં કેસ કરવા જાય કે આજ મારે જોયા જેવી થઈ
કાનુડાને તાલી દેવા..........
કોર્ટમાં તો કેસ જ ચાલ્યો
જર્જ સુધી વાત પહોંચી ગઈ કે આજ મારે જોયા જેવી થઈ
કાનુડાને તાલી દેવા..........
કોર્ટમાં તો વકીલ રખાયા
મારો વકીલ મારો વાલો થઈ ને આવ્યો
કોર્ટમાં હું તો કેસ જીતી ગઈ કે આજ મારે જોયા જેવી થઈ
કેસ જીતીને હું તો ઘેર જ આવી
કેસ જીતીને હું તો ઘેર આવી ગઈ કે આજ મારે જોયા જેવી થઈ
કાનુડાને તાલી દેવા ગઈ કે આજ મારે જોયા જેવી થઈ
કાનુડાને કાંકરી મારવા ગઈ કે આજ મારે જોયા જેવી થઈ
કૃષ્ણ કનૈયા લાલ કી જય