DD News Mizoram | Chanchinthar - 13 October 2022 | 6:30 PM

Описание: HEADLINES:

1. Larsap Dr. Hari Babu Kambhampati-an Saitual tlawhin sorkar Bawrhsap Pisaah sorkar mipawimawhte a kawm.

2. Art & Culture Department leh Central YMA tangkawp buatsaih Branch YMA te inelna, Ramngaih Hla Zaipawl Intihsiak kharna hun Art & Culture Minister Pu R. Lalzirliana’n a hmanpui.

3. Deputy Chief Minister Pu Tawnluia'n zirna tel lovin hmasawnna leh changkanna a awm thei lo tih Sialhawka zirna meichher kum -100 tlin lawmna a hmanpuinaah a sawi.

4. Sericulture Minister Dr. K.Beichhua chuan Sericulture Department-in project tha tak tak a kalpui thu sawiin, sawrkar laipui pawh a tul ang zela dawra hmalak thin a nih thu Champhai tlawhnaah a sawi.

5. Health Minister Dr. R. Lalthangliana'n MNF sorkar hmasaah police battalion 4 lak a ni a, Congress sorkar chhungin lak leh anih siloh avangin thawktu indaihlohna a nasa tih a bialchhung Thingsaia Police Station a hawnnaah a sawi.

6. Hmuifangtlang Group YMA din champha phak vawi 50-na (Golden Jubilee) chu Samlukhai Community Hall-ah lawm a ni a, Bialtu MLA Prof.F.Lalnunmawia'n a hmanpui.

7. Prime Minister Narendra Modi-an kum 2018 a India-a district 115 chawikan ngaia a puan zinga tel, Aspirational district Mamit-ah pawh kawng hrang hranga hmasawnnan hmalak chhoh mek a ni.

8. National Games, 2022-ah Mizoram atanga telte chuan Gold medal pakhat, silver medal pakhat leh bronze medal pahnih, a vaiin medal pali an la a, heti hian inelna an hmachhawn tur an hmachhawn zo tawh.

9. Prime Minister Narendra Modi an Himachal Pradesh-ah hmasawnna hnathawh hrang hrang a hawng a, lungphum thahnem tak a phum bawk.

10. President Droupadi Murmu in hmarchhaka khualzin phur rel tlan tur pahnih a vailiam a, IIT, Guwahati-ah supercomputer a hawng bawk.

11. India siam naupang khuh damdawi ei avanga Gambia-a naupang 66 thihna thlentu nia WHO in a tarlan chhuichiang turin India sorkar chuan mi 4 awmna-expert Committee a din.

12. National Games vawi 36-na chu nizan khan Surat, Gujarat-ah khar a ni a, nakumah Goa in a thleng ang.

13. Hri danna siamchhuah kawnga India leh US thawhdunna Indo-US Vaccine Action Programme (VAP) chu kum 2027 thleng pawhsei a ni dawn.

14. Ni 2 awh tur Power and renewable energy minister inkhawmpui chu natuk atangin Udaipur, Rajasthan-ah neih a ni ang.

15. External Affairs Minister Dr. S. Jaishankar an October ni 15 leh 16 hian Egypt a tlawh dawn.

16. Union Cabinet in Railway hnuaia thawkte ni 78 hlawh, lawmman atana pek tur a pawm a, Multi-State Cooperative Societies (Amendment) Bill, 2022 a pawm bawk.