Martesa e hershme dhe kushtet e vështira pengojnë arsimimin e romëve-(5 Shkurt 2012)

Описание: Lajme Arkiva 2012

Jemi mësuar gjithmonë t'i shikojmë rrugëve, teksa të afrohen dhe kërkojnë lëmoshë fëmijët që në moshë fare të vogël detyrohen nga prindërit të dalin në rrugë për të lypur.
Jeta e tyre është një aventurë, të vendosur afër brigjeve të lumenjve, mes halleve, ahengut dhe qejfit.
Romët kanë arritur të mbijetojnë dhe të ruajnë traditat e tyre. Një komunitet që po shtohet dita ditës në numër, tashmë ka ardhur koha të integrohet në jetën sociale.
Shpeshherë fëmijët romë kanë qenë prej trafiqeve të ndryshme apo dhunës. Arsimimi mbetet mënyra më e mirë për t'i larguar këta fëmijë nga rruga.
Në vitin 2009, Këshilli i Ministrave vendosi miratimin e një plani kombëtar për përfshirjen në dekadën e romëve në harkun kohor 2010-2015. Ky plan ka për qëllim arsimimin, mbrojtjen dhe integrimin.
Nora Malaj: “Problemi i madh ka qenë mosnjohja e gjuhës shqipe, moskomunikimi i saktë me komunitetin, i cili pastaj krijon edhe probleme sociale dhe qasje sociale, të cilat lidhen me diskriminimin. Për këtë arsye janë trajnuar një pjesë e mësueseve të kopshteve për të punuar specifikisht me këtë komunitet, po jo vetëm me fëmijët, po paralelisht duke punuar me fëmijët edhe me prindërit. Janë realizuar disa projekte, na ka mbështetur shumë kooperacioni zviceran, zyra e kooperacionit zviceran, etj. E cila ka patur në prioritet dhe pritshmërinë e saj na ka mbështetur shumë sekretariati i Romëve, duke futur shansin e dytë, që është një shans tjetër për gjithë ata fëmijë të cilët e kanë kaluar sistemin moshor të futen në sistemin e edukimit, qoftë edhe me kohë të shkurtuar, për të marrë informacionin e duhur dhe për të kaluar fazën e analfabetizmit.”
Aktualisht në shkollën Bajram Curri në kryeqytet janë të regjistruar 350 fëmijë romë, megjithëse janë një minoritet jo arsimdashës.
Nga ana e stafit pedagogjik po bëhet maksimumi që këtyre fëmijëve t'u mësohet ABC-ja.
“Rita mbushi shportën plot me rrush”.
“Merrni sa të doni. Pas pak në shportë nuk mbeti asnjë kokërr rrush”.
Mësuesit pranojnë që frekuentimi i shkollës nga fëmijët romë nuk është në nivelin e duhur. Për një nxënës të klasës së parë, është shumë e vështirë të mësojë dhe të lexojë gjuhën shqipe nëse mungon për një muaj në shkollë, dhe raste të tilla ka shumë.
Marie Korriku: “Një problem ndoshta disi i mprehtë është braktisja e fëmijëve romë shkollën. Në shkollën Bajram Curri integrimi i fëmijëve romë me komunitete të tjera është arritur mirë, mund të themi shumë mirë, pasi këtu nuk ka probleme, konflikte apo probleme të tilla që fëmija nuk vjen në shkollë, sepse ndjehet keq. Problemi i braktisjes së fëmijëve romë nga shkolla janë probleme të tjera janë probleme sociale dhe ekonomike.”
Ekziston një strategji kombëtare për përmirësimin e kushteve të jetës së minoritetit rom, që është financuar nga prezenca e OSBE-së në vendin tonë. Një vend të rëndësishëm në këtë strategji zë edhe mbrojtja sociale ndaj këtij komuniteti.
Blerina Zoto: “Ka shumë shoqata dhe qendra ditore që janë dhe në varësi të bashkisë, të financuara pjesërisht nga bashkia dhe pjesërisht nga donatorë të ndryshëm që janë si të thuash në dispozicion të fëmijëve romë. Këto shoqata në këto qendra ditore mundohen të japin edhe të ofrojnë edhe shërbimin si të thuash, nëpërmjet kurseve të ngritura, t'i ndihmojnë në aspektin arsimor, pse jo, edhe kur kanë problematika për shëndetin, t'i ndjekin ato nëpërmjet asistencës së tyre, duke i çuar nëpër spitale apo duke paguar edhe në ilaçet.”
Edian Gjoni: “Fëmijët e komunitetit romë e braktisin shkollën, ende pa e nisur atë. Prindërit e tyre thonë se kushtet sociale i detyrojnë që fëmijët e tyre të mos shkojnë në shkollë.”
“Fëmija im ka qenë në shkollë, këtu ke kjo shkolla këtu. E nxora, se s'kemi gjendje. Vallë a të shkoj nëpër kanaçe, që mbledhim kanaçe dhe t'i ushqejmë kalamajtë nuk na dalim. Neve më shumë që pa bukë flemë se sa me bukë brenda në shtëpi.”
Gazetari: “Sa vjeç e ke fëmijën e madh?”
“20 e kam”.
Gazetari: “Sa vjeçe je martuar ti?”
“Unë jam martuar 14 vjeçe.”
Gazetari: Po mirë, ndonjë një nga këto fëmijët i ke çuar në shkollë, shkojnë në shkollë?”
“Ku ça shkolle o vëlla, se atë kemi neve s'kemi ato kushtet që t'i çojmë në shkollë, ku të palara, ku të pa veshura, ku?”/tvklan.al

SUBSCRIBE to “RTV KLAN” on YouTube for more videos!

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni n\u00eb faqen https://tvklan.al/video/
Follow Tvklan on Facebook:   / tvklan  
Follow rtvklan on Instagram:   / rtvklan  
Programet e Tv Klan mund t\u2019i ndiqni edhe n\u00eb faqen https://tvklan.al/programe/