ഹാക്ക് ചെയ്യപ്പെട്ട എൻറെ ചാനൽ തിരിച്ചു കിട്ടി |How to Recover Hacked Google Account or YouTube

Описание: How to Recover Hacked Google Account or YouTube channel
ഡിജിറ്റൽ ലോകത്തോടുള്ള വിശ്വാസം നഷ്ടപ്പെട്ട നിമിഷം

എഴുതിയത് ഖാദർ വെള്ളേരി
From TECH SOLUTIONS

ഹാക്കർമാർ എന്ന പിന്തുടർന്നു കൊണ്ടിരിക്കുന്നു..
മെയ് 31ന് രാത്രി എൻറെ ഫേസ്ബുക്ക് അക്കൗണ്ട് ഹാക്ക് ചെയ്യപ്പെട്ടിരുന്നു . റിക്കവറി ഇമെയിൽ മൊബൈൽ നമ്പർ എല്ലാം അവർ മാറ്റിയിരുന്നു. എങ്കിലും ഫേസ്ബുക്കിനെ കോൺടാക്ട് ചെയ്തപ്പോൾ അവർ അത് എനിക്ക് തിരിച്ചു തന്നു.. തൊട്ടടുത്ത ദിവസം ഒന്നാം തീയതി ഉച്ചയ്ക്ക് രണ്ടുമണിക്ക് ഗൂഗിൾ അക്കൗണ്ടും ഹാക്ക് ചെയ്യപ്പെട്ടു.. ഗൂഗിൾ അക്കൗണ്ട് ഹാക്ക്ആയപ്പോൾ ഫേസ്ബുക്കിനെ പോലെയല്ല കാര്യങ്ങൾ ഒരുപാട് ഇംപോർട്ടന്റ് വിവരങ്ങൾ അതിലുണ്ട്. മുപ്പതിനായിരം വരിക്കാർ ഉള്ള എൻറെ യൂട്യൂബ് ചാനൽ. എൻറെ ഗൂഗിൾ ഡ്രൈവിലെ വിലപ്പെട്ട ഒരുപാട് ഡോക്യുമെന്റുകൾ. എളുപ്പത്തിന് വേണ്ടി ക്രോമിൽ പാസ്സ്‌വേർഡ് സേവ് വച്ചത്. എല്ലാം ഒരൊറ്റ നിമിഷം കൊണ്ട് നഷ്ടപ്പെട്ടു. പിന്നെ ആകെ നെട്ടോട്ടമായി. എവിടെയാണ് ഹാക്കിംഗ് നടന്നതെന്ന് മനസ്സിലായില്ല. കമ്പ്യൂട്ടറിലും മൊബൈലിലും സേം ജിമെയിൽ ഉപയോഗിക്കുന്നുണ്ട്

ഒരു വശത്ത് നെറ്റ് ബാങ്കിങ്ങിന്റെ പാസ്സ്‌വേർഡ് മാറ്റുന്ന തിരക്ക് .
അതോടൊപ്പം തന്നെ ബാങ്കുകളെ കോണ്ടാക്ട് ചെയ്ത് ബാങ്കിൽ നൽകിയ ഇമെയിൽ മാറ്റണം. . ഒമാൻ ബാങ്ക് പെട്ടെന്ന് അക്സെപ്റ്റ് ചെയ്തു. നാട്ടിലെ ഇ-മെയിൽ മാറ്റണമെങ്കിൽ അതിനു ഒരുപാട് ചടങ്ങ്.

മറ്റൊരു ഭാഗത്ത് എൻറെ യൂട്യൂബ് ചാനലിൽ മറ്റാരുടെയോ ഇല്ലീഗൽ ആയിട്ടുള്ള ലൈവ് വീഡിയോഹാക്കർമാർ റൺ ചെയ്യുന്നു . അതോടൊപ്പം തന്നെ എൻറെ ജിമെയിൽ ആക്സസ് ഉപയോഗിച്ച് അവർ എന്റെ മറ്റ് അക്കൗണ്ടുകളും ഹാക്ക് ചെയ്യാൻ ശ്രമിക്കുന്നു. ഉദാഹരണത്തിന് പേപാൽ ഹോട്ട്മെയിൽ ഇൻസ്റ്റഗ്രാം ഒരു പാട് ഉണ്ട്. ..

ഹാക്ക് ചെയ്ത ദിവസം മുതൽ എനിക്ക് ഉറക്കം കിട്ടിയിട്ടില്ല . എവിടെഒക്കെയോ പഴയ ഇമെയിൽ കൊടുത്തിട്ടുണ്ട് അവിടെയൊക്കെ പുതിയ ഇമെയിൽ മാറ്റുന്ന തിരക്ക്.. എല്ലാത്തിന്റെയും പാസ്‌വേഡും മാറ്റണം അവർ പിടിച്ചെടുക്കുന്നതിന് മുമ്പ്.. കൂടാതെ കമ്പ്യൂട്ടർ ഫോർമാറ്റ് ചെയ്യണം. ഒരു ഡാറ്റ പോലും എടുക്കാനും പറ്റില്ല . (എങ്ങനെ വിശ്വസിച്ച് എടുക്കും) ഡിജിറ്റൽ ലോകത്തോടുള്ള വിശ്വാസം നഷ്ടപ്പെട്ടു

ഫേസ്ബുക്കിനെ കോൺടാക്ട് ചെയ്ത പോലെ ഗൂഗിളിനെ കോണ്ടാക്റ്റ് ചെയ്യാൻ അത്ര എളുപ്പമല്ലായിരുന്നു. ഏതെല്ലാം വഴിയിൽ കോൺടാക്ട് ചെയ്താലും റോബോട്ടിക് ഓട്ടോമാറ്റിക് മറുപടി മാത്രം.

ഞാൻ കൊടുത്തിരുന്ന റിക്കവറി ഇമെയിലും മൊബൈൽ നമ്പറും അവർ മാറ്റിയത് കാരണം എനിക്ക് സ്വയം റിക്കവർ ചെയ്യാനുള്ള ഒരു ഓപ്ഷനും ഇല്ലായിരുന്നു. ഹാക്കിംഗ് നടന്നത് റഷ്യ, ഉക്രൈൻ, അസർബൈജാൻ എന്നിടങ്ങളിൽ നിന്നാണെന്ന് കാണിക്കുന്നത്. (എന്തെങ്കിലും പ്രോക്സി വെച്ച് സെറ്റ് ചെയ്തത് ആയിരിക്കും.)
ഞാൻ ഒരുപാട് യൂട്യൂബേഴ്സിനെയും ഒരുപാട് വിദഗ്ധന്മാരെയും കോൺടാക്ട് ചെയ്തെങ്കിലും ഫലമുണ്ടായില്ല. യൂട്യൂബിൽ ഗൂഗിൾ അക്കൗണ്ട് ഹാക്കിങ്ങിനെ പറ്റി സേർച്ച് ചെയ്തിട്ടും ഫലമുണ്ടായില്ല.. പക്ഷേ യൂട്യൂബ് ഹാക്ക് എങ്ങനെ തിരിച്ചെടുക്കാം എന്നത് പരിശോധിച്ചപ്പോൾ ഒരുപാട് ഹിന്ദി വീഡിയോകൾ കിട്ടി. അങ്ങനെ ഒന്നര ദിവസത്തെ കാത്തിരിപ്പിന് ശേഷം ഗൂഗിൾ അക്കൗണ്ട് റിക്കവർ ചെയ്തു കിട്ടി . യൂട്യൂബ് ചാനൽ അപ്പോഴും റിക്കവർ ആയിരുന്നില്ല. എൻറെ ചാനൽ അവർ മരവിപ്പിച്ചിരുന്നു.. എന്നിരുന്നാലും രണ്ട് ദിവസത്തിന് ശേഷം യൂട്യൂബിന്റെ ഹെൽപ്പ് ഡെസ്ക് എൻറെ ചാനൽ എനിക്ക് തിരിച്ചു തന്നു. (TECH SOLUTIONS)

ആർക്കെങ്കിലും ഇങ്ങനെ അനുഭവമുണ്ടായാൽ എങ്ങനെ തിരിച്ചെടുക്കണം എന്നുകൂടി പറയാം
. ആദ്യം നമ്മൾ ടീം യൂട്യൂബിലേക്ക് ട്വിറ്ററിൽ ഒരു ട്രീറ്റ് ചെയ്യുക. നമ്മുടെ പേഴ്സണൽ വിവരങ്ങൾ ഒന്നും നോക്കേണ്ടതില്ല ചാനൽ ഹാക്ക് ആയി എന്നും പറഞ്ഞുകൊണ്ട്. അവർ മറുപടി തരും. അവർ ഡീഫാൾട്ട് ആയിട്ടുള്ള ഒരുപാട് രീതികൾ പറഞ്ഞുതരും അതെല്ലാം പരീക്ഷിച്ചു എന്ന് പറഞ്ഞാൽ അവർ പേഴ്സണലിൽ നമ്മുടെ കോൺടാക്ട് ചെയ്ത് പേഴ്സണൽ വിവരങ്ങൾ കളക്ട് ചെയ്യും
ശേഷം ഒരു ഫോം തരും. ആ ഫോം ഫില്ല് ചെയ്ത് സമയത്ത് ചെയ്ത് മണിക്കൂറുകൾക്കുശേഷം നമ്മുടെ ചാനൽ റിക്കവർ ചെയ്യാനുള്ള ലിങ്കുകൾ അവർ അയച്ച് തരും. ഞാനിവിടെ പറയാൻ കാരണം ഞാൻ ഒരുപാട് പേരോട് അന്വേഷിച്ചെങ്കിലും ആർക്കും ഇതിനെ പറ്റി ഒരു ധാരണയില്ല. ആർക്കെങ്കിലും ഉപകാരപ്പെട്ടോട്ടെ എന്ന് കരുതിയാണ്

NB ആരുടെയെങ്കിലും ഫേസ്ബുക്ക് അക്കൗണ്ട് ഹാക്ക് ചെയ്യപ്പെട്ടാൽ ഉടൻതന്നെ മറ്റ് അക്കൗണ്ടുകളുടെ പാസ്സ്‌വേർഡ് നിരന്തരം മാറ്റുന്നതായിരിക്കും നല്ലത്. അതോടൊപ്പം തന്നെ സംശയമുള്ള ഡിവൈസ് നിന്ന് പൂർണമായും സൈൻ ഔട്ട് ചെയ്യുക . നെറ്റ് കണക്ടിവിറ്റി നഷ്ടപ്പെടുത്തുക. കാരണം ഞാൻ അന്വേഷിച്ചപ്പോൾ ഹാക്ക് ചെയ്യപ്പെട്ട മിക്ക യൂടൂ ബർമാരുടെയും അനുഭവം ആദ്യം ഫേസ്ബുക്കാണ് ഹാക്ക് ചെയ്യപ്പെട്ടത് അത് റിക്കവർ ചെയ്യുമ്പോഴേക്കും ആണ് ഗൂഗിൾ ഹാക്ക് ചെയ്യപ്പെടുന്നത്..