၁၀၂နှစ်မြောက် မြန်မာ့ရုပ်ရှင်နေ့ နှင့် ၄၅ကြိမ်မြောက် ရုပ်ရှင်သက်ကြီးပူဇော်ပွဲ။

Описание: ၁၃ - ၁၀ - ၂၀၂၂၊ ကြာသပတေးနေ့။
မြန်မာနိုင်ငံ ရုပ်ရှင်အစည်းအရုံး။

၁၀၂ နှစ်မြောက် မြန်မာ့ရုပ်ရှင်နေ့နှင့် ၄၅ ကြိမ်မြောက် ရုပ်ရှင်သက်ကြီးပူဇော်ပွဲ အခမ်းအနားကို အောက်တိုဘာ ၁၃ရက် က မြန်မာနိုင်ငံရုပ်ရှင်အစည်းအရုံး၌ ကျင်းပခဲ့သည်။

အဆိုပါ အခမ်းအနားတွင် မြန်မာ့ရုပ်ရှင်တစ်သက်တာဂုဏ်ပြုဆု နှစ်ဆုကိုလည်း ပေးအပ်ချီးမြှင့်ခဲ့သည်။ ယင်းမြန်မာ့ရုပ်ရှင်တစ်သက်တာ ဂုဏ်ပြုဆုကို အကယ်ဒမီများရှင် ညွှန့်ဝင်းနှင့် အကယ်ဒမီ အောင်လွင်တို့က ရရှိခဲ့သည်။

ယင်းအခမ်းအနားတွင် မြန်မာ့ရုပ်ရှင်သမိုင်းပြတိုက်ဖွင့်ပွဲကိုလည်း ကျင်းပခဲ့ပြီး ရန်ကုန်တိုင်းဒေသကြီးအစိုးရအဖွဲ့တာဝန်ရှိသူများ၊ ပြန်ကြားရေးဝန်ကြီးဌာန ပြည်ထောင်စုဝန်ကြီး ဦးမောင်မောင်အုန်းနှင့် မြန်မာနိုင်ငံရုပ်ရှင်အစည်းအရုံး ဥက္ကဌ ဦးကြည်စိုးထွန်းနှင့် နာယကကြီးများက ဖဲကြိုးဖြတ်ဖွင့်လှစ်ပေးခဲ့သည်။

ယင်းနောက်တွင် ရုပ်ရှင်သက်ကြီးပူဇော်ပွဲကို ဆက်လက်ကျင်းပခဲ့ပြီး ကန်တော့ခံ သက်ကြီးရုပ်ရှင်အနုပညာရှင်များအား ဂါရဝပြုကန်တော့ခဲ့ကြသည်။