Taatey Mabood be hubbe Ali achchi nahin - Qadeemi Nauha - Janab Fazil Lucknowi

Описание: Taatey Mabood be hubbe Ali achchi nahin - Old Nauha from Lucknow
Poet: Janab Mahir Lucknowi
Recited by: Janab Fazil Hussain Naqvi Lucknowi
Anjuman: Raunak e Deen e Islam, Lucknow
===================================
Ta'atey Ma'bood be hubbe Ali achchi nahiN 
Ho Haram meiN bhi to aisi bandagi achchi nahiN 

Khush na thEy jo dosh e Mustafa par be Khuda
Jo bahaana dhooNde woh Paighambari achchi nahiN 
Ta'atey Ma'bood be hubbe Ali* achchi nahiN 

Deikh kar Abbas ko bhaage, yeh kahte lashkari 
Deikho saahil par nazar Abbas ki achchi nahiN 
Ta'atey Ma'bood be hubbe Ali achchi nahiN 

Qatl e Marhab se hamara yeh aqeeda ho gaya 
DushmanoN ke waaste Naad e Ali achchi nahiN 
Ta'atey Ma'bood be hubbe Ali achchi nahiN

Baab e Haider per na utre to Sitara kya karey 
Baab e Haider ke siwa deodhi koi achchi nahiN 
Ta'atey Ma'bood be hubbe Ali achchi nahiN 

Zikr e Haider sunn ke wo tadpe, na to phir kya karey 
Zakhm gahra ho to be'shak raushni achchi nahiN 
Ta'atey Ma'bood be hubbe Ali achchi nahiN

Qarya qarya phir rahey haiN jo aqeede bechte
Unse kah do deen mein saudagari achchi nahiN 
Ta'atey Ma'bood be hubbe Ali achchi nahiN

Zikr e Haider sunn, Ameer e Sham ki bateiN na kar 
Mojuze ke saamne jaadugari achchi nahiN 
Ta'atey Ma'bood be hubbe Ali achchi nahiN

Madhe Haider keejiye, ya Karbala par boliye 
Jo baraaey naam ho, woh Zaakiri achchi nahiN 
Ta'atey Ma'bood be hubbe Ali achchi nahiN

Aey meri aaNkhoN ki badli, khoob ghir ghir kar baras 
Majlis e Sarwar meiN, ashkoN ki kami achchi nahiN 
Ta'atey Ma'bood be hubbe Ali* achchi nahiN

Mustafa ke noor ki Baradari ke ma'siwa 
Do jahaN meiN eik bhi Baaradari achchi nahiN 
Ta'atey Ma'bood be hubbe Ali achchi nahiN

Aarzoo hai meiri Mahir*, umr rokar kaat dooN 
Yaad e Sarwar se khushi ki zindagi achchi nahiN 
Ta'atey Ma'bood be hubbe Ali achchi nahiN
======
Please Comment / Like / Share / Subscribe.
You can download a BAYAAZ of all nauhas on this channel from:
https://archive.org/details/BayaazOfO...
Please Like my Official Facebook Page :   / oldnohay  

#OldNohay #NohaWordings #QadeemiNauha #LucknowNauhas #LucknowAnjuman #NauhaLyrics