Fier: Protesta e banorëve të Dermenasit

Описание: #oranews #fier #dermenas #protestapedagogeve

Zonat rurale në vend vijojnë të kenë mungesë të investimeve çka sjell një sërë problematikash për ta. Banorët e fshatit Sulaj në Fier i kanë kërkuar bashkisë ndërhyrjen në infrastukturë, ose fshati mund të boshatiset i gjithi. Banorët e fshatit Sulaj në njësinë administrative Dermenas në Fier, kanë protestuar për atë që ata e kanë cilësuar si neglizhencë, pasi fshati sipas tyre është lënë jashtë hartës së investimeve.

Fshati nuk ka as rrugë, kanalizime e ujë të pijshëm.

“Ska asnjë lloj investimi, nuk ka rrugë, ska kanalizime kulluse, ska ujë të pijshëm, për arsye se, as kryetari i komunës nuk interesohet, as kryeplaku, dhe fashati jonë është lën i braktisur.

Mos jemi gjerman ne dhe jemi të ndarë? Ne shqiptarë jemi. A i kemi të drejtat të tërë njëlloj? Përse mos të na i bëjnë? Vjen kanali der aty behet edhe stop,vjen vaditja,ska,ujë ska.Të tëra mungojnë, një pikë ujë serdhi gjatë gjith beharit,as kanal vaditës,as kullues, asnjë lloj gjëje” thanë banorët

Banorët thonë se mungesa e investimeve ka sjellë edhe largimet masive nga fshati.

“ Po ikin njerëzit, nuk investohet në fshatin tone. Ne i bëjmë kërkesë kryetarit të komunës atij si intereson fare. Tërë plerat hidhen nëpër kanal, 30 vjet s'ka pastruar njeri kanal, as rrugë, asgjë. Jemi në probleme të mëdhaja.

"Të larguar jemi, unë kam ngelur, femijët i kemi të larguar, kur të vijë momenti dhe unë do iki. Problemi tjetër është se e kemi bërë problem te Armando Subashi tha se do ta shtrojmë rrugën, kur erdhi puna na gënjeu” thonë banorët

Në lidhje me protestën e banorëve ka reaguar edhe bashkia e Fierit ku përmes drejtorisë se puneve publike dhe hartimit te projekteve ka thënë se do të nisin së shpejti investimet në infrastrukturë.

“Pjesë e ketyre projekteve, në listën e rrugëve që do të parashikohen në këtë kontratën e dytë, është edhe rruga e fshatit Sulaj. Janë duke përfunduar, janë hartuar projektet e rrugëve të perfshirë në këtë kontratë , janë duke përfunduar dhe në fund të kësaj jave, ne mbyllim gjithë praktikën e hartimit të projekteve dhe vazhdojmë javën tjetër” tha zyrtarja e bashkisë.

Banorët kanë thënë se nëse nuk do të ketë investime ata do të bllokojnë aksin kryesor në formën e protestës.

Për më shumë lexoni në: https://www.oranews.tv/vendi/fier-pro...

Follow Televizionin Ora News

Website: www.oranews.tv

Youtube http://bit.ly/2DDddtL

Facebook: http://bit.ly/2RkUN4s

Instagram   / oranewstv  

Twitter   / oranewsrtv