Natasha Butler: Hetimi i Metës, test për sistemin ligjor të Shqipërisë-(14 Janar 2011)

Описание: Lajme Arkiva 2011

Erisa Zykaj: Cili është reagimi i Komisionit Europian pas dorëheqjes së Ilir Metës?

Natasha Butler: “Komisioni Europian u njoftua me vendimin e kryeministrit të vendit Sali Berisha për pranimin e dorëheqjes së Zv/kryeministrit Ilir Meta. Ne jemi informuar gjithashtu se Z. Meta i ka nisur një letër kryetares së Kuvendit të Shqipërisë, duke kërkuar heqjen e imunitetit të tij si deputet i Kuvendit. Çdo lloj që lehtëson hetimin dhe procesin gjyqësor është i mirëpritur, një kontribut pozitiv për forcimin e shtetit ligjor në Shqipëri. Komisioni Europian pret që sistemi ligjor në Shqipëri të funksionojë në pavarësi të plotë. Nuk duhet të ketë asnjë pengesë për një hetim të shpejtë efektiv duke u ndjekur nga hapat e tjerë të sistemit ligjor nëse provohen pretendimet e vëna.”

Erisa Zykaj: “Në fakt reagimi juaj të mërkurën ka qenë se i takonte drejtësisë Shqiptare që të trajtonte siç duhet këtë çështje, prokuroria sekuestroi provat ndërkohë që kemi edhe një dorëheqje të Zv/kryeministrit. A janë këto hapa një shenjë e qartë e vullnetit se Shqipëria do ti trajtoje shpejt çështje të tilla?”

Natasha Butler: “Do të konsideroja se meqë prokuroria ka filluar punën e vet nëse pretendimet e hedhura konfirmohen, do të thotë se puna e sistemit ligjor në Shqipëri mund të fillojë për këtë çështje, për Komisionin asgjë nuk është konfirmuar ende. Sigurisht që kjo është e tëra e sistemit ligjor në Shqipëri ashtu siç është në duart e Shqipërisë që të përmbushë kriteret e anëtarësimit në Bashkimin Europian. Kriteret politike janë shumë të qarta, 12 prioritetet që ne kemi fiksuar për Shqipërinë në opinionin e Nëntorit janë po ashtu të qarta. Aty i referohen në mënyrë të qartë pavarësisht se gjyqësorit, zhvillimin e procesit gjyqësor të ndershëm me përputhje me standardet. Këto standarde të sistemit ligjor duhet të zbatohen për çdo rast, kuptohet nëse ka konfirmim të ngjarjeve për të cilat fliten. Nëse këto konfirmohen duhet ndjekur procedura normale e drejtësisë pa ndërhyrë dhe pa pengesë në këtë çështje. Ka një ndarje të qartë të pushteteve dhe të gjitha këto aspekte janë pjesë e kritereve të Kopenhagenit.”/tvklan.al

SUBSCRIBE to “RTV KLAN” on YouTube for more videos!

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow rtvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/