E DASHUROVA FORT

Описание: Teksti: Dr Shpresa Fundo Gjergji-
Muzika: Bruko Broadcast Radio-
Këngë origjinale
https://brukobroadcastradio.webradios...
#drshpresafundogjergji
#brukobroadcastradio
#degjoedheti

Kur e vogël isha, e dashurova fort,
Me syçkat fëminore paksa të mbyllur...
Aq shumë rashë në dashuri me të,
Shpirtin gëzoja,
brenda vetes doja ta mbaja kyçur!

Kjo dashuri e madhe për mua,
Kjo dashuri që nuk e nxë dot,
Ështe me e zjarrta që dua,
Më besoni, ështe dashuri pa kushte dhe lotë!

REFRENI
O diell i tokës sime,
që më mbush me dashurinë e pafund!
O rrezja ime e përkimit,
Më e shtrenjta pasuri, që s'dua ta humb!

Ështe dashuri e herëshme,
Me miliona herë e ndjerë dhe e shprehur,
Sa shumë i kam buzëqeshur me ëndje,
Edhe kur shpirti rënkonte i dhembur!

******
E vogël u dashurova fort me diellin,
E desha, e dua pa kushte...
Me ty kur linda, u lidha fort,
Ti, me zjarrin tënd shpirtin ma puthe...!

E dua diellin si gjënë më të shenjtë...!
E dua atë dritë që shpirtin ma pushton,
Kjo lumturi e madhe, me mua fle,
Kur perëndon çdo mbrëmje...,
Dhe zgjohet çdo mëngjes kur agon!

REFRENI
O diell i tokës sime,
që më mbush me dashurinë e pafund!
O rrezja ime e përkimit,
Më e shtrenjta pasuri, që s'dua ta humb!

Ështe dashuri e herëshme,
Me miliona herë e ndjerë, e shprehur,
Sa shumë i kam buzëqeshur
me ëndje,
Edhe kur shpirti rënkonte me dhimbje!