MELÇI ME QEPE TE KARAMELIZUARA/ SPECA TE KUQE TE MBUSHUR ME EREZA E DJATHE (Recete nga znj.Katerina)

Описание: “Kendi I gatimit” nga znj.Katerina ne News24 – 12 qershor, 2020

MELÇI ME QEPE TE KARAMELIZUARA/ SPECA TE KUQE TE MBUSHUR ME EREZA DHE DJATHE (Recete nga znj.Katerina)

MELÇI ME QEPE TE KARAMELIZUARA
600 gr mëlçi viçi
2-3 lgj miell për pudrosje
Kripë, piper
Vaj për skuqje

Për qepët e karamelizuara:
2-3 qepë të kuqe
2-3 lgj vaj ulliri
1 lugë sheqer kaf
2-3 ls uthull balsamike
Kripë, piper

Për salcën:
50 gr gjalpë
120 gr uthull balsamike
1 filxhan çaji lëng pule
50 gr rrush të thatë
2 qepë të karamelizuara
2 lgj salcë balsamike
Kripë, piper, rigon, trumzë
Fillimisht përgatisim qepët e karamelizuara. Në një tigan hedhim qepët, shtojmë pak ujë dhe i lemë të zbuten. Pasi të jenë tharë lëngjet shtojmë vajin e ullirit dhe vazhdojmë kaurdisjen. Sapo qepët të fillojnë të ndryshojnë ngjyrë shtojmë sheqerin, kripën, piperin dhe uthullën balsamike dhe i lemë qepët derisa të karamelizohen.

Presim në racione melçitë, i spërkasim me kripë dhe më pas i kalojmë në miell nga te gjitha anët. I vendosim melçitë të skuqen lehtë dhe më pas i vendosim në një tavë ku kemi shtruar një letër kalk dhe i fusim në furrë për 15 minuta në temperaturën 180 gradë.

Ndërkohë përgatisim salcën. Hedhim gjalpin dhe e lemë derisa të shkrijë dhe të lëshojë aromë, më pas shtojmë uthullën balsamike dhe e lemë derisa të reduktohet pak. Shtojmë rrushin e thatë, qepët e karamelizuara dhe lëngun e pulës, i përziejmë për 2-3 minuta dhe në fund shtojmë salcën balsamike.

Pasi mëlçitë të jenë gati i servirim me salcën e përgatitur me qepë të kuqe të karamelizuar.

SPECA TE KUQE TE MBUSHUR ME EREZA DHE DJATHE

10 speca të kuqe
300 gr djathë ose 500 gr gjizë
1 tufëz majdanoz
1 tufëz koper
1 tufëz borzilok
3-4 lgj vaj ulliri
3-4 qepë të njoma
1 spec djegës
Kripë, piper

Në një tavë vendosim specat e kuqe, i spërkasim me pak kripë, piper dhe vaj ulliri dhe i vendosim në furrë të piqen në temperaturën 200 gradë për 15 minuta. Më pas i heqim dhe i vendosim specat në një qese plasmasi, i lemë 10-15 minuta dhe më pas largojmë menjëherë cipën dhe i pastrojmë nga farat.

Grijmë erëzat dhe i përziejmë me djathin e thërrmuar ose gjizën. Shtojmë vajin e ullirit, kripën, piperin dhe një spec djegës të grirë hollë. I trazojmë mirë dhe me masën e përgatitur mbushim specat të cilat i vendosim në furrë të piqen për 15 minuta ose dhe mund t’i servirim ashtu siç janë duke i prerë në fetëza spërkatur me pak vaj ulliri.

‪@Vila24News24‬ ‪@News24Albania‬