ថ្នក់ទឹកជើងគោ -​ Tnok tuek jeurng gko

Описание: បទ " ថ្នក់ទឹកជើងគោ" -​Tnok_tuek_jeurng_gko

ថ្នក់ទឹកជើងគោ
សំ សុផល
០៤ កក្កដា ២០១៩
ចង្វាក់ ៖ សារ៉ាវ៉ាន់
១- ថ្នក់ទឹកជើងគោ ជំនោរវស្សា
ភ្លៀងស្រព-ពសុធា នាកាលយប់មិញ
ផ្គរស្រែកគ្រហឹម រន្ទះប្រដេញ
ភ្លៀងកាលយប់មិញ ភ្លៀងដេញ ឲ្យបងនឹកពៅ ។
២- ថ្នក់ទឹកជើងគោ ជំនោរត្រជាក់
ព្រឹកមិញពីរនាក់ ជំពាក់ចិត្តជ្រៅ
បងភ្ជួរថ្នាលអូន មាសស្ងួនស្រែកហៅ
បងសង្កត់ជ្រៅ ពៅប្រាប់ កុំភ្ជួរជ្រៅអី ។
៣- ទឹកហៀរស្មងជើង ដីពើងទាបខាង
បងជ្រែងជើងម្ខាង ជាន់ផ្ទប់អាចម៍ដី
ថ្នាលអូនតូចល្មម ស្មៅដុះ ក្រាស់ណាស់ណាថ្លៃ
អូនអើយកុំភ័យ ថ្វីបើ បងភ្ជួរជ្រៅខ្លាំង ។
៤- ថ្នក់ទឹកជើងគោ ទឹកហូរកាត់ផ្លូវ
ហូរកាត់ស្រែពៅ ហូរទៅរិញៗ
ភ្ជួរហត់បន្តិច ក៏ឥតទោម្នេញ
ទឹកហូររិញៗ ហូរចេញ ឲ្យសំណាបល្អ ។


បទភ្លេង និងទំនុកច្រៀងៈ សំ សុផល
សម្រួលតន្ត្រីៈ លោក ឡូសូ ឧឡាឫទ្ធ
ច្រៀងដោយៈ សំ សុផល
ចង្វាក់ៈ សារ៉ាវ៉ាន់

សូមជួយចុច Like និង Share Channel សារិកាមាស ដើម្បីទទួលបាននូវបទថ្មី ទាំងទំនុកច្រៀង និងបទភ្លេង ។