BTSအဖွဲ့ရဲ့သီချင်းအသစ်ထွက်မယ့်ကိစ္စတရားဝင်အသေးစိတ်ကြေညာ

Описание: မင်္ဂလာပါ ဇန်နဝါရီလ ၅ ရက်နေ့ သန်းခေါင်ယံမှာ BTS အဖွဲ့က သူတို့ရဲ့ အချိန်အတော်ကြာ စောင့်မျှော်ခဲ့ရတဲ့ Comeback အစီအစဉ်ကို Weverse ကနေတစ်ဆင့် တရားဝင် ကြေညာလိုက်ပါတယ်
သူတို့ရဲ့ ပဉ္စမမြောက် Full-length Album ကို လာမယ့် မတ်လ ၂၀ ရက်နေ့ မြန်မာစံတော်ချိန် မနက် ၁၀ နာရီခွဲ (KST နေ့လယ် ၁ နာရီ) မှာ ထွက်ရှိမှာဖြစ်ပြီး ဒါဟာ Proof အယ်လ်ဘမ် ထွက်ရှိပြီးနောက်ပိုင်း ၃ နှစ်နဲ့ ၉ လအကြာမှာ ပထမဆုံးအကြိမ် အဖွဲ့ဝင်အားလုံး ပြန်လည်ဆုံတွေ့မယ့် Album လည်း ဖြစ်ပါတယ်။
ဒါ့အပြင် MAP OF THE SOUL: 7 နောက်ပိုင်း ၆ နှစ်ကျော်မှ ထွက်ရှိလာမယ့် Studio Album လည်း ဖြစ်တာကြောင့် ပရိသတ်တွေကြားမှာ အတော်လေး ရေပန်းစားနေပါတယ်။
ဒီအယ်လ်ဘမ်မှာ သီချင်းအသစ် ၁၄ ပုဒ် ပါဝင်မှာဖြစ်ပြီး BTS အဖွဲ့ဝင်တွေရဲ့ လက်ရှိအတွေးအမြင်တွေ၊ ခံစားချက်တွေနဲ့ သူတို့ရဲ့ ရင့်ကျက်လာမှုတွေကို ထည့်သွင်းပုံဖော်ထားပါတယ်။
အဖွဲ့ဝင်တွေဟာ ၂၀၂၅ ခုနှစ် ဒုတိယနှစ်ဝက်အတွင်းမှာ အနီးကပ်အတူတူ အလုပ်လုပ်ခဲ့ကြပြီး သူတို့ရဲ့ ကိုယ်ပိုင်အတွေ့အကြုံတွေကို အခြေခံပြီးတော့ အယ်လ်ဘမ်ရဲ့ ဦးတည်ချက်ကို ဖော်ဆောင်ခဲ့ကြတာပါ။
ဒါ့အပြင် သူတို့ကို စိတ်ရှည်လက်ရှည် စောင့်ဆိုင်းပေးခဲ့ကြတဲ့ ပရိသတ်တွေအတွက် ရိုးသားတဲ့ ကျေးဇူးတင်စကားတွေကိုလည်း ဒီအယ်လ်ဘမ်ကတစ်ဆင့် ပြောထားပါသေးတယ်။
ဆက်လက်ပြီးတော့လည်း ရှေ့ဆက်မယ့် ကမ္ဘာလှည့်‌ဖျော်ဖြေပွဲနဲ့ ပတ်သက်တဲ့ အသေးစိတ် အချက်အလက်တွေကို ဇန်နဝါရီလ ၁၄ ရက်နေ့ သန်းခေါင်ယံမှာ ထပ်မံကြေညာပေးသွားမှာ ဖြစ်ပါတယ်။
ဒါဟာ ၄ နှစ်နီးပါးအကြာမှာ ပြန်လည်စတင်မယ့် ပထမဆုံး ကမ္ဘာလှည့်ဖျော်ဖြေပွဲကြီးလည်း ဖြစ်ပါတယ်။
Comeback အတွက် အထူးရည်ရွယ်ပြီး 2026bts.com ဆိုတဲ့Websiteအသစ်ကိုလည်း ပြုလုပ်ထားပြီး အယ်လ်ဘမ်နဲ့ ‌ဖျော်ဖြေပွဲအကြောင်း update တွေကို အဲဒီမှာ ကြည့်ရှုနိုင်ပါတယ်။
တရားဝင် မကြေညာခင်ကတည်းက အဖွဲ့ဝင်တွေ ပေးပို့ခဲ့တဲ့ နှစ်သစ်ကူး လက်ရေးစာတွေထဲမှာ 2026.03.20 ဆိုတဲ့ ရက်စွဲလေးကို ထည့်သွင်းပြီး ပရိသတ်တွေကို အရိပ်အမြွက် ပေးခဲ့ကြပါသေးတယ်။
အခုလို အဖွဲ့ဝင် ၇ ယောက်လုံး ပြန်လည်စုံစည်းပြီး ပြုလုပ်မယ့် ၂၀၂၆ Comeback ဟာ ကမ္ဘာ့ဂီတလောကမှာ စိတ်လှုပ်ရှားစရာအကောင်းဆုံး အခိုက်အတန့်တစ်ခု ဖြစ်လာဖို့ ရှိနေပါတယ်။

ရုပ်သံ-mal 3, Strong Korean Man,Judith

#bts #btscomeback #kpop