Literatura qe duhet te kerkojme

Описание: Kur po bën projektin tënd kërkimor duhet të kesh parasysh që duhet të kërkosh për literaturë në disa fusha. Kështu është literatura teorike e cila ka të bëjë më konceptet, përkufizimet dhe teoritë e përdorura në fushën tënde të hulumtimit. Rishikimi i literaturës teorike në fushën tënde kërkimore duhet të të ndihmojë në përgjigjen e pyetjeve si :
• Cfarë dihet për fushën në përgjithësi dhe për cështjen që të intereson në vecanti ?
• Cilat janë konceptet që përdoren apo për të cilat debatohet ?
• Cilat janë debatet apo polemikat teorike a metodologjike në këtë fushë ?
• Cilat pyetje vazhdojnë të mbeten të hapura ?
• Cfarë nuk është studjuar akoma ?

Përpara se të vendosësh për një metodë specifike në punimin tënd, duhet të lexosh literaturën përkatëse metodologjike. Kjo do të të lejojë të zgjedhësh metodën tënde specifike pas një vlerësimi të alternativave ekzistuese. Mbi të gjitha rishikimi i literaturës metodologjike do të të ndihmojë t’i përgjigjesh pyetjeve:
• Cilat janë format, alternativat dhe diskutimet metodologjike ?
• A ka mënyra kontradiktore të përdorimit të metodave, të cilat mund t’i marrësh si pikënisje?

Në vazhdim duhet të rishikosh e të përmbledhësh kërkimin empirik që është realizuar në fushën tënde të kërkimit. Kjo të lejon të kontekstualizosh praktikën tënde dhe më vonë, gjetjet e tua, dhe t’i shohësh të dyja në përspektivë. Rishikimi i literaturës empirike në fushën tënde të interesit duhet të të ndihmojë t’i përgjigjesh pyetjeve si:
• Cilat janë metodat e përdorura dhe të debatuara
• Cilat janë rezultatet e gjetjet kontradiktore të cilat mund t’i marrësh si pikënisje?

Kur po lexon studime ekzistuese, është e rëndësishme të jesh në gjendje t’i vlerësosh ata në mënyrë kritike, si për metodat, ashtu dhe për rezultatet. Dhe, për të bërë një vlerësim kritik të literaturës që lexon, duhet të gjesh përgjigje për pyetjet si:
• A janë përcaktuar e shpjeguar qartë qëllimi e objektivat e studimit që studjuesit do realizojnë?
• Cila është pyetja kërkimore e studimit?
• A e kanë integruar autorët një përmbledhje domethënëse teorike?
• Mbi c’perspektivë teorike është mbështetur studimi?
• Si është skicuar studimi? A përshtatet me pyetjen kërkimore që është formuluar?
• Cfarë forme kampionimi është aplikuar? A është e përshtatshme me qëllimin e studimit dhe pyetjet kërkimore?
• Cilat metoda për mbledhjen e të dhënave janë përdorur?
• A janë marrë në konsideratë cështjet etike si marrja e pëlqimit apo mbrojtja e të dhënave?
Mund të navigosh në kanal për të gjetur prezantime të tjera interesante