“စိတ်မနှံ့တဲ့သူကို မဖြေဦးဟဆိုပြီး တပ်မ ၇၇ က ကတုံးဆိုတဲ့ တစ်ယောက်က လည်ပင်းကို ဓားနဲ့ဖြတ်လိုက်တယ်။”

Описание: “စိတ်မနှံ့တဲ့သူလားမသိဘူး ဖမ်းပြီးစစ်မေးတာ မဖြေလို့ မဖြေဦးဟ ဆိုပြီး တပ်မ ၇၇ က ကတုံးဆိုတဲ့ တစ်ယောက်က လည်ပင်းကို ဓားနဲ့ဖြတ်လိုက်တယ်။”

ပျူစောထီးခေါင်းဆောင် လှိုင်မင်း (ညောင်လေးပင်မြို့နယ်၊မြို့မ (၅)ရပ်ကွက်ရှိ၊ ပျူစောထီးအဖွဲ့ )

By ရန်ကုန်ခေတ်သစ်

စစ်အာဏာသိမ်းချိန် ၂၀၂၁ ခုနှစ်ကစလို့ အကြမ်းဖက်စစ်ကောင်စီက ပြည်သူတွေကို အစုလိုက်အပြုံလိုက် သတ်ဖြတ်မှုတွေ လုပ်ဆောင်နေပါတယ်။ ဒီအထဲမှာမှ ညောင်လေးပင်မြို့နယ်ထဲမှာ အင်မတန်မှ ထိတ်လန့်စရာ ကောင်းတဲ့ ပြည်သူတွေကို အစုလိုက်အပြုံလိုက်သတ်ဖြတ်မှုတွေကို စစ်တပ်နဲ့ ပျူစောထီးတွေက ကျူးလွန်ခဲ့ တယ်ဆိုတာကို ဖမ်းဆီးရရှိထားတဲ့ ပျူစောထီး လှိုင်မင်းက ဝန်ခံထွက်ဆိုထားပါတယ် ။

ပြည်သူ့ကာကွယ်ရေး တပ်မတော် အမှတ် ၂၇ စစ်ဗျူဟာ၊ အမှတ် ၂ စစ်ဒေသခွဲ က ထုတ်ပြန်တဲ့ ဗီဒီယိုမှာ ပျူစောထီးလှိုင်မင်းက ပြည်သူ ၂၀ ကျော်ထက်မနည်းကို ရက်ရက် စက်စက် ခေါင်းဖြတ်သတ်တာ၊ ပစ်ခတ်သတ်ဖြတ်တာ၊ မီးရှို့ သတ်ဖြတ်ခဲ့ တာတွေကို ဝန်ခံထားတာလည်းဖြစ်ပါတယ်။

အဲဒီလိုတွေ သတ်ဖြတ်တဲ့အပြင် ပြည်သူပိုင်ပစ္စည်းတွေကို ခိုးယူခဲ့သလို စစ်ရှောင်အိမ်တွေကိုလည်း ပျဉ်တွေခွာရောင်းတာတွေလည်း လုပ်ခဲ့ကြပါတယ်။