||قصيدة في الجود والكرم السوداني || للشاعر نصار عبد الحي، أداء الباش مهندس محمد علي محمد علي
Автор: الإستراحة الدعوية
Загружено: 2023-12-17
Просмотров: 702
Описание:
باالجود والكرم كضاب البقولك فاتنا
الطير يوم يجوع نمرق نجر محراتنا
ولدتنا المواقف قبل رحم اماتنا
كضاب البقولك في الرجالة بفوتنا
نحنا نسكت الناس يوم نبوح بسكوتنا
عندنا غيرة عندنا حشمة كاسية بيوتنا
وعرض جيرانا عندنا زي عرض بنوتنا
نحنا قدرنا مرفوع لااتعبر لا إتقاس
مماقمنا حافرين للمكارم ساس
وقت نركز نقيف نتدق دق يباس
تقول عمدان مقزقزة م بتقول ديل ناس
التاريخ ذكرنا وبالكرم ترخنا
واسأل ام خدود ان قالتلك اترخرخنا
كم شيدنا من نار الفراسة بيوت
اصحاب سنة نغريك السلام ونفوت
للعادانا باقين ليهو شوكة حوت
خيارين في الدواس يا ننتصر يانموت
الخاوانا في بحر المخاواه نغوصلو
نحنا العز بجينا يكوسنا مابنكوسلو
وكضاب البقول يد الرجال ساقيانا
رب العزة في اطهر مكان ختانا
من دون البشر طينتنا زاتا برانا
كتير اصلحنا بين اتنين قفلنا قضايا
عادة فينا رافعين المكارم راية
عندنا عزة بنقيف دغري نبقى عصاية
ضهرنا دة م تنيناو الا في المصلاية
قول للوجعة مرحب وللشقاوة حبابا
نحنا ان قمنا فوق الدين بنبقي مهابة
في البلد التخرب الشيخ بنبقى صحابة
قول ليهو نحنا عامة من غير ذكر قبلية
غير سوداني ماعارفلي تاني هوية
Повторяем попытку...
Доступные форматы для скачивания:
Скачать видео
-
Информация по загрузке:
