ఉద్యోగులు హక్కులతో పాటు బాధ్యతలను కూడా గుర్తించాలి - AP CPDCL టెక్నికల్ డైరక్టర్ మురళీకృష్ణ యాదవ్ !

Описание: ఉద్యోగులు హక్కులతో పాటు బాధ్యతలను కూడా గుర్తించాలని సీపీడీసీఎల్ టెక్నికల్ డైరక్టర్ ఏ.మురళీకృష్ణ యాదవ్ అన్నారు. 1104 ఆంధ్ర ప్రదేశ్‌ ఎలక్ట్రిసిటీ ఎంప్లాయిస్ యూనియన్ 77వ ఆవిర్బావ దినోత్సవాన్ని పుర స్కరిం చుకుని గురువారం ఒంగోలులోని 1104 యూనియన్ ప్రాంతీయ శాఖ కార్యాలయంలో యూనియన్ పతాకాన్ని ఆవిష్కరించి వేడుకలను ఘనంగా నిర్వహించారు. ఈ వేడుకల్లో మురళీకృష్ణ యాదవ్ ముఖ్య అతిథిగా పాల్గొన్నారు. ఈ సందర్బంగా కిమ్స్ ఆస్పత్రి ఆధ్వర్యంలో విద్యుత్ ఉద్యోగులకు ఉచిత వైద్య శిబిరం నిర్వహించారు. ఈ సందర్బంగా ఏర్పాటు చేసిన రక్తదాన శిబిరంలో విద్యుత్ ఉద్యోగులు రక్తదానం చేశారు. ఈ సందర్బంగా ఏర్పాటు చేసిన సభలో మురళీకృష్ణ యాదవ్ మాట్లాడుతూ, సంస్దకు కార్మికులే కీలకమని వారి సంక్షేమం కోసం ఎన్నో కార్యక్రమాలు అమలు చేస్తున్నామన్నారు. సంస్దకు పెద్ద సంఖ్యలో సిబ్బంది,వనరులు ఉన్నా ఇంకా కొన్ని అంశాల్లో వెనుకబడి ఉన్నామని దీనిని అధిగమించడానికి సిబ్బంది అందరూ కృషి చేయాలన్నారు. విద్యుత్ శాఖ ఎంతో కీలకమైనదని కొద్ది సేపు విద్యుత్ కు అంతరాయం కలిగినా మనం భరించ లేమని దీనిని దృష్టిలో పెట్టుకుని మనం మరింత అప్రమత్తంగా సమర్దంగా మన విధులను నిర్వర్తించాలన్నారు. ప్రజలకు ఎంతో విలువైన సేవలు అందించే ఈ శాఖలో ఉద్యోగం చేయడం మనందరి అదృష్టమన్నారు. కొత్తగా ఉద్యోగంలో చేరి న వారు సీనియర్లను గౌరవించడం నేర్చుకోవాలన్నారు. సీనియర్లు కూడా అన్ని విషయాలను జూనియర్లకు అర్దం అయ్యే విధంగా చెప్పాలన్నారు. కీలక సమయాల్లో మన పనితీరు మన సమర్దతకు నిదర్శనంగా నిలుస్తుందన్నారు. తుఫానులు, కొత్త కాలనీల ఏర్పాటు ఇలా ఏదైనా ముందు వచ్చే మాట విద్యుత్ ఉందా అని దీనిని సంస్దలోని కార్మికులు గుర్తించి పనితీరు మెరుగుపరచు కోవాలన్నారు. కార్మికులకు రావాల్సిన ప్రయోజనాల గురించి యాజమాన్యంతో మాట్లాడి మంజూరు చేయించడం జరుగుతుందన్నారు. అలాగే, కార్మికులు కూడా వినియోగదారులకు మంచి నాణ్యమైన సేవలు అందించాలన్నారు. ఈ కార్యక్రమంలో సీపీడీసీఎల్ ప్రకాశం సర్కిల్ ఎస్ఈ కట్టా వెంకటేశ్వర్లు, ఒంగోలు డివిజన్ డీఈ హరిబాబు, డిస్కమ్ సెక్రటరీ ఎన్.శర్మ, రీజనల్ ప్రెసిడెంట్ CH.హరికృష్ణ, రీజనల్ సెక్రటరీ ఆర్.సంజీవరావులు కార్మికు లను ఉద్దేశించి ప్రసంగించారు. ఈ కార్యక్రమంలో బి.సురేష్, యు.రవి శంకర్, ఏ.వి.ప్రతాప్, తదితరులు పాల్గొన్నారు.