Тағам түрінің көптігімен түрік асханасы көш бастады

Описание: Тағам түрінің көптігімен Түрік асханасы көш бастады. Бір ғана Афьон қаласына тән 600-ге жуық ас мәзірі бар. Аста төк ауқаттың астарында төрткүл дүниеден турист тарту жатыр. Аспазшылардың бар шеберлігін паш ету үшін жылда «Аспан астындағы асхана» фестивальін ұйымдастырады. Түрік тәттісінен дәм ауыз тиюге бар әлемнен адам ағылады. Әріптесім Нұрадин Рақайда дәм татып келген еді.
НҰРАДИН РАҚАЙ, тілші:
– Түркия көшелерінің адым жерінде асхана екені белгілі. Әсіресе мына Афьон дегенде Суджук және Пастурма шұжық ерекше еске түседі дейді. Көрейік дәмін? Сырты кәдімгі шұжық сияқты. МММ мынау біз жеп жүрген шұжықтан айырмашылығы, қоспалары көп сияқты.
АЗИЗА САТИМБЕКОВА, Қырғыстандық саяхатшы:
– Қойдың сирағын қайнатып халадец жасамаймыз ба? Мұнда мынау бидайды қоса әбден қайнатып қояды екен. Әбден тәтті екен. Түркияны кебабсыз елестету мүмкін емес. Мынау сол Афьон кебабы екен.
Түрік тағам түрлерінің көптігі сонша ас мәзірінің атын жаттаудан адам жаңылысады. Әр қаласы тағам түрін түрлендіре беруді бәсекеге айналдырғандай. Оны ұсыну тәртібі бір бөлек. Әуелі тәбет ашар, кейін тойымдысы, соңында оңай қортылатын тағам тартылады.
ЛЮМИНИЦА НИМЕРЕНКО, Румыниялық жиһанкез:
– Мен 60-қа жуық елді аралап көрдім. Әрине әр елдің өзіне тән ерекшелігі бар. Бірақ Түркияның дәмді тәттісі ерекше есте қалады.
Дәмін татпаған соң ауқат атын айтып дәмелендіру болмас. Адам аяғын әзер алып жүретін дәстүрлі «Асхана фестивалін» қараңыз. Мұнда шартараптан дәм ауыз татуға 100 мыңға жуық адам келген. Қай сөреге бармаңыз иық тірескен кезек. Тағамды түрлендіруге құмар түріктер тіпті банан өсетін ағашқа шұжық өсіріп қойған.
КЮБРА ГЮРАН ИЫГЫТБАШЫ, Афьеон қаласының әкімі:
– Мен бұл аймақта алғашқы әкім болған әйел адаммын. Сондықтан болар асханаға жақынмын. Бұдан бөлек біздің қалада шипалы су көп. Және мәрмәр қорының көптігімен мақтана аламыз.
НҰРАДИН РАҚАЙ, тілші:
– Ашық аспан астындағы асхана фестивалі бір қарағанға ас ішіп аяқ босатуға шақырғандай. Бірақ асын қарасаң әдемі. Төрт жылдан бері төрткүл дүниеден адамдар келеді. Туф мынаның иісін ай. МММ келуге тұрады. Кеңес беремін.







Бізді әлеуметтік желіде оқыңыздар:
Youtube -   / @informburo31kanal  
Facebook -   / informburo31  
Instagram -   / informburo31  
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31