KONFERENCE PERMBYLLESE "Monitorimi dhe permiresimi i ofrimit te sherbimeve mjedisore"

Описание: AULEDA - Agjencia e Zhvillimit Ekonomik Lokal, Vlorë organizoi me date 10 Tetor 2018, ne ambientet e Hotel Regina City, konferencën përmbyllëse të projektit: Monitorimi dhe përmirësimi i ofrimit të shërbimeve mjedisore nëpërmjet ‘Teknikave me Vëzhgues të Trajnuar’, pjesë e programit “SENiOR II – Mbështetje për Organizatat Mjedisore të Shoqërisë Civile në Shqipëri”, i cili zbatohet nga Qendra Rajonale e Mjedisit (REC) Shqipëri dhe financohet nga Qeveria Suedeze.

Qëllimi i projektit është të ndihmojë në përmirësimin e situatës aktuale mjedisore si dhe të përmirësimit të ofrimit të shërbimeve mjedisore, duke siguruar një mjedis me të pastër dhe me të sigurt.

Në këtë projekt është kryer monitorimi dhe vlerësimi i dy shërbimeve publike të përzgjedhura, në bashkinë Vlorë, duke zbatuar teknikën inovative të Vëzhguesve të Trajnuar, ku bëjnë pjesë:

1.Mbledhja, largimi dhe trajtimi i mbetjeve të ngurta shtëpiake: vlerësimi i pikave të grumbullimit të mbetjeve dhe kontejnerëve;

2.Mirëmbajtja e parqeve, lulishteve dhe hapësirave të gjelbra publike.

Vlerësimi i menaxhimit të mbetjeve në Bashkinë Vlorë, u realizua pas të dhënave të grumbulluara nga 6 grupe vullnetarësh që monitoruan 81 pika të vendqëndrimit të kontejnerëve dhe bënë vlerësimin e rreth 234 kontejnerëve e 4 parqeve të qytetit në zonën e përcaktuar për monitorim.
Në takim moren pjese përfaqësues nga Prefektura, administrata e Bashkise, Keshilli i Qarkut Vlore, Keshilli Bashkiak, shoqëria civile, universiteti, aktore lokal dhe komuniteti.