Yaruuegshiglen - Богд дүнжингарав уулын магтаал

Описание: Yaruuegshiglen - Богд дүнжингарав уулын магтаал

Орой дээрээ овоотой
Олон газрын зарлигтай
Очирваанийн шүтээнтэй
Хангай Дүнжингаравыгаа
Хааны Дүнжингарав л гэнэ.

Богд Дүнжингаравыгаа
Бодьтой Дүнжингарав л гэнэ.
Хадтай Дүнжингаравыгаа
Хааны Дүнжингарав л гэнэ

Энэ л Дүнжингаравыгаа
Эрдэний Дүнжингарав л гэнэ.
Цал буурал дөрвөн хангай
Хатан Туултай нь магтья

Урд талаас нь харах юм бол
Уран Манзуширийн хийдтэй
Шүр сувдын чимэгтэй
Есөн эрдэнийн баялагтай
Сүрлэг сайхан хангай даа

Баруун талаас нь харах юм бол
Бадамлхамын оронтой
Бадам давжид хормойтой
Баялаг Дүнжингаравыгаа
Баатар Дүнжингарав л гэнэ.

Хойд талаас нь харах юм бол
Хөвчин хангай нь хүрлийгээд
Буга согоо нь зөрөлдөөд
Булгийн ус нь мэлтэлзээд
Хатан Туул маань цэнхэртэнэ.

Зүүхэн талаас нь харах юм бол
Зүрхэн улаан цохиотой
Зүр гурын гүйдэлтэй
Зөндөө сайхан амтай
Ам болгон рашаантай

Засаг төрдөө болбол даа
Зандан ширээ юм даа.
Замбуу тив дээ болбол доо
Онгон дархан шүтээндээ

Мөнх л тэнгэрийн болбол доо
Мөнгөн багана юм даа
Монгол орны минь болбол доо
Уулсын тэргүүн хангай даа

Зуны тунгалаг өглөө нь хө
Хөхөөн дуу уянгалаад
Хөвчийн өндөр модонд нь
Жигүүртэн бүрдэн чуулсан

Энэ л замбуу тивдээ болбол
Үзэсгэлэн чимэг нь юм даа
Энх мөнхийн болбол доо
Мөнхийн цэнхэр хадаг нь юм

Энэ л Дүнжингаравыгаа
Эрхт Дүнжингаравыгаа
Цал буурал дөрвөн хангайгаа
Хатан Туултай нь магтлаа.