आन साङ होङज्यूको पवित्र जन्म | परमेश्वरको मण्डली

Описание: ख्रीष्ट आन साङ होङज्यू सन् १९१८मा गणतन्त्र कोरियाको जाङसु-गुन, जन्लाबुग-दोमा अवस्थित खानी गाउँमा जन्मनुभयो ।
२,००० वर्षअघि येशूज्यूको पहिलो आगमनको समयमा, बोल्न नसक्ने जीवहरूबाट उहाँले सत्कार पाउनुभयो,
अनि पूर्वबाट आएका ज्योतिषीहरूले उहाँलाई सुन र सुगन्धित धूपद्वारा दण्डवत् गरे ।
मानिसको रूपमा दोस्रो पल्ट यस पृथ्वीमा आउनुहुँदा, उहाँले जन्मेको क्षणदेखि नै विभिन्न परीक्षा र कठिनाइहरू भोग्नुभयो ।

सन् १९१८मा, आन साङ होङज्यू जन्मनुहुँदा, पूरै संसारलाई मृत्युको दुस्वप्नतिर धकेलेको पहिलो विश्वयुद्ध समाप्त हुनुअघि नै पृथ्वीमा मृत्युको छाया फेरि पऱ्यो ।
स्पेनी फ्लूको प्रकोपबाट विश्व जनसंख्याको एक तिहाई संक्रमित भएर ५ करोडदेखि
१० करोड मानिसहरूको मृत्यु भयो ।
‘मेडिकल नरसंहार’ भनिएको त्यो प्रकोपबाट कोरिया पनि अपवादमा परेन ।
केही गाउँहरूमा त सबै जना संक्रमित भएकाले मृत शरीरलाई गाड्ने व्यक्तिसमेत भएन ।
स्पेनी फ्लूबाट कोरियाको जनसंख्यामध्ये ४०%(७६,००,००० जना) संक्रमित भएर १,४०,००० जनाको मृत्यु भयो ।

शैतानले सबै मानव-जातिको जीवनमाथी
किन यसरी मृत्युको भोज लगाएको होला ?

२,००० वर्षअघि येशूज्यू जन्मनुहुँदा हेरोद राजाले येशूज्यूलाई मार्नको निम्ति बेथलेहेम र त्यस इलाकाभित्र जन्मिएका सबै बालकहरूको हत्या गरे । त्यसै गरी, पवित्र आत्माको युगमा पनि शैतानले सबै बालकहरूलाई मारेर दोस्रो आगमनका ख्रीष्टको जन्मलाई रोक्न खोज्यो (मत्ती २:१३-१६) ।

तर अन्धकारको शक्तिले सर्वशक्तिमान् परमेश्वरको सुनियोजित उद्देश्य र इच्छामा कदापि बाधा पुऱ्याउन सक्दैन ।

राजा दाऊदको अगमवाणी र अञ्जीरको रूखको दृष्टान्तअनुसार सन् १९१८मा जन्मनुभएका
ख्रीष्ट आन साङ होङज्यूले ३० वर्ष पुग्नुभएको सन् १९४८मा बप्तिस्मा लिनुभएर
नयाँ करार जीवनको ज्योति चम्काउनुभयो ।

परमेश्वरको मण्डली विश्व सुसमाचार समाजले बाइबलको अगमवाणीअनुसार दोस्रो पल्ट आउनुभएका
आन साङ होङज्यूलाई विश्वास गर्दछ ।

[ यस श्रव्यदृश्यको सर्वाधिकार परमेश्वरको मण्डली विश्व सुसमाचार समाजसँग छ । अनुमतिविना प्रतिलिपि वा वितरण गर्न निषेध छ । ]

〖World Mission Society Church of God〗https://watv.org
〖WATV Media Cast〗 https://watvmedia.org/ne