هجرتيني - يوم العواذل فيك لاموني | فلاح المسردي | بطيء + مميز

Описание: الكلمات :



لا .. ياسحابه ماطمعت ارقا
تدرين من بعد المطر فرقا
ناحت على غصن الهجر ورقا
الشمس غابت واخفت ظلالي





عامين مابلّ المطر جاشي
يوم الغضي قال المسا ماشي
من حرجتي جيت اطلب انعاشي
اروح يمّي وارجع لحالي







في ساعة الفرقا طفت قمرا
واللي كتبني ماعرف يقرا
لا والله الا الساعه القشرا
اللي تفرّق غالي وغالي








خلّي جديلك ينسدل ليله
واسمع ورى صدري مواويلة
عقب الصبر ماعاد لي حيلة
اثر الليالي مالها والي






أحب فيك الحب من حبّك
فديت زينك ربّي وربّك
اشقى معك واشفا على طبّك
مافيه مثلك ويتحلوالي






حبيبتي : عقب البطا وينك
اشتقت اشوفك والمس يدينك
واقول احبك وارمش بعينك
وابيع عمري لين يبقالي








يوم العواذل فيك لاموني
اقفّل اذني واغمض عيوني
اجيك كلّي واسري بدوني
وانام بعيونك وانا سالي







خالفت سلم اهلي وجدّاني
اللي على شانك على شاني
قطعت حبل الناس من داني
يم الصحاري واشهب اللالي







لاتجرحيني .. حالتي صعبه
الحب ماهو نزوة ولعبه
زوّد عناي وربّ هالكعبه
مكانتك ياكيف تنشالي









حبيبتي هدّ البطا صبري
اصبحت في درب الهوى عبري
اثر اللقا مات وحفر قبري
وانا على الفال انتظر فالي









كنتى على فرش الغلا تمشين
وبيدك نسيم ووردة ونسرين
تدرين عن قدرك هنا تدرين
واحالي اللي راح واحالي











انتي عليك الجرح وفراقي
وانا على عهد الهوى باقي
لاعاد ليلٍ صاحبه شاقي
لوني تركت دروبك اشوالي











ماني بميّت لا هجرتيني
حلو الزمن بكرة يناديني
وانسى زمانٍ به نسيتيني
وابيع حبّك واشتري بالي