MIN HERSAN SI - XXV Version | Famkimi Kawlni

Описание: He hla hi True Story behchhana ka phuah niin 3rd May 2008 chawhnu dar 1 a ka phuah kha a ni a, kum 17 lai a lo liam ve ta reng mai.

Siamthar/siamthat a upload that hi ka duhna a rei tawh a, music ka han siam thin a ka duh angin ka siam chhuak thei hlek lo mai a, tun a mi pawh hi ka duhthu samlo viau mahse ka han upload ta hram a ni e. Tin, Famkimi Aw hi 2008 a kan record ang ang aw kha a ni a, a file ka lo dahthat tawhloh a vangin music te paih chawpin a aw chiah la chhuakin ka hmanga tlemin a felfai zan lo deuh.

Ka phuah hunlai khan ram pum huap khan ruihhlo do beihpui kan nei a, tlem a lo kal filawr bik te pawh awmloh theih a nilo a, a then chu ruihhlo ti thin an in atanga pawh chhuaha an sawisak tak te an awm tih te kha an sawi ka lo hre ve a, tin, ruihhlo ti thinte hian kawppui ruihhlo pawh ti velo an mahni hmangaih ngawih ngawihtu an neih ve theih tur ziate, chung an mahni hmangaih em emtu ten a (An ngaihzawng leh nu leh pa pawh telin) an chanchin an sawia hmusit leh diriam taka an sawi changa an rilru lo nat dan tur te ka ngaihtuah a, hmangaih ngawih ngawihtu thinlung nat tur zia ka han ngaihtuah a, an kawppui te anga ka han in chan khan ka na ngawih ngawih thin a, kan thiante ah hetiang lam kaihnawih an lo awm ve nen hla ah ka han chantir ta a ni ber mai e. Type kim sen a har a heti chinah hian duhtawk phawt mai ang.

[Verse 1]
An sel e maw kei ka chhailai di
Tlangtin relthang a phur thin e
A sakhming sel reng an bang theilo
Kei ka chhailai di

[Chorus]
Ka hmangaihna chuanin a zui reng thin che a
Mahse i hrethiam silo, Tlang rel chu phur tur in
Ka hmangaihna chu hawisanin Ruihhlo tawnah
Min her san si

[Verse 2]
Aw vawikhat chauh lokir leh la
Nun kawng dik chu I zawh dun ang
Tlailuat hian pawina a nei
Tih reng i hre silo

[Chorus]
Ka hmangaihna chuanin a zui reng thin che a
Mahse i hrethiam silo, Tlang rel chu phur tur in
Ka hmangaihna chu hawisanin Ruihhlo tawnah
Min her san si

[Guitar Solo]

[Verse 3]
Lokir leh hian I mawi si lo
Ruihhlo vanga thlafam chang a
Zamual min liam san hi
Ka tan chuan tuar a har ngei e

[Chorus]
Ka hmangaihna chuanin a zui reng thin che a
Mahse i hrethiam silo, Tlang rel chu phur tur in
Ka hmangaihna chu hawisanin Ruihhlo tawnah
Min her san si