Noon Meem Rashid recites his nazm (9) - From Audio Archives of Lutfullah
Автор: Khursheed Abdullah
Загружено: 2022-05-11
Просмотров: 2335
Описание:
کلامِ شاعر بزبانِ شاعر
ن م راشد - وہی کشفِ ذات کی آرزو
مرا دل گِرو، مری جاں گِرو !
چلا آ کہ ہے مِرا دَر کُھلا
تُو مرا نصیب ہے راہرو!
آواز خزانہ۔ لُطُف اللہ خان
وہی کشفِ ذات کی آرزو
مرا دل گِرو، مری جاں گِرو !
چلا آ کہ ہے مِرا دَر کُھلا
تُو مرا نصیب ہے راہرو!
یہ ہَوا، یہ برق، یہ رعد و ابر، یہ تیرگی
رہِ انتظار کی نارسی
مرے جان و دل پہ ہیں تو بتو،
مرے میہماں ، مرے راہرو!
اے گریز پا، تُو سرابِ دشتِ خلا نہ بن
وہ نَوا نہ بن جو فریبِ راہگزار ہو
وہ فسونِ ارض و سما نہ بن
جسے دل گرفتوں سے عار ہو !
جو تجھے بُلاتی ہے پے بہ پے
وہ صدا جلاجلِ جاں کی ہے !
وہ صدا مرورِ زماں کی ہے !
کسے اِس صدا سے فرار ہو ؟
مرا دل گرو، مری جاں گرو
تری کُن مکُن، تری رَو مرَو
مجھے بارِ جاں،
کہ میں حرف جس کا بیاں ہے تُو
میں وہ جسم جس کی رواں ہے تُو
تُو کلام ہے، میں تری زباں
تو وہ شمع ہے کہ میں جس کی لَو !
کسی نقش کار کا اِک نفس ۔۔
کئی صورتیں جو سدا سے تشنۂ رنگ تھیں
ہوئیں وصل معنی سے بارور
کسی بت تراش کی اِک نگہ ۔۔۔
کئی سنگ اذیتِ یاس و مرگ
سے بچ گئے
ہوئے سمتِ راہ سے باخبر !
چلا آ کہ میری ندا میں بھی
وہی رویٔتِ ازلیِ کہ ہے
جسے یاد غایتِ رنگ و بُو
جسے یاد رازِ مئے و سبو
جسے یاد وعدۂ تار و پو !
چلا آ کہ میری ندا میں بھی
اسی کشفِ ذات کی آرزو !
ن م راشد
Повторяем попытку...
Доступные форматы для скачивания:
Скачать видео
-
Информация по загрузке:
