AKO'Y BINAGO NIYA - A Christian Spoken Word Poetry | Ramia Jongay

Описание: Title: Ako'y binago Niya | Spoken Word Poetry
Ni: Ramia Jongay


Noong una akala ko 'di na ako makakaalis sa sarili kong mundo
Yung para lang sa sarili ang gusto
Yung sunod sa layaw lang ang alam ko
Yung wala akong respeto sa ibang tao

Akala ko noon, ang buhay ko ay hindi na talaga magbabago
Na hanggang ganito lang ako
Tila ba'y wala na akong halaga
Wala ng kwneta at Wala ng mararating pa

Ngunit biglang nag-iba ang takbo ng mundo ko
Kasi sa katunayan hindi naman talaga ako ang nagpapatakbo ng mundong ginagalawan ko
Kahit buhay ko hindi ko kontrolado
Mali ako, nagkakamali ako

Nagsisisi ako,
Nagsisisi sa mga maling nagawa ko,
Dahil paulit-ulit nalang,
Paulit ulit kong binabalikan ang aking nakaraan.

Hanggang dumating yung araw na pagod na ako sa kasalanan,
Nakakapagod din pala
Nakakapagod ang panandaliang saya
Ayoko na sa mundong mapanghusga

Ayoko na,
Hindi sa ayoko ng mabuhay pa,
Pero gusto ko ng pagbabago
Kaya't Salamat at nakilala ko si Kristo

Ako'y binago Niya,
Ako'y pinalaya Niya mula sa mundong pakiramdam ko ako'y nag-iisa
Mula sa mundong pinamukha saki'y wala akong kwenta
Na hindi na ako magbabago pa

Ako'y tinanggap niya ng buong buo kahit na wasak na wasak na ang puso ko
Ako'y minahal Niya ng higit sa mundo
At higit sa kasalanang meron ko
Kahit na alam ko hindi ako karapat dapat na tawaging anak mo

Salamat Ama
Dahil pinaramdam mo sa akin na hindi ako nag-iisa
Pinaramdam mo na lagi kitang kasama
Kahit na dumadating sa puntong lumalayo ako Sayo.

Patawad dahil naging makasarili ako
Patawad dahil mas inuuna ko ang pansariling kaligayahan
Patawad dahil mas pinili ko ang kasalanan
Patawad, patawad
Pero gusto ko ng bumalik ulit sayo.

Ayoko ng bumitaw pa.
Gusto kong magsimula muli na kasama Ka
Sa bagong kabanata ng aking buhay
Kasama ka ng maglalakbay

Salamat sa pagkakataon,
Pagkakataong muli akong bumangon
Tinulungan mo akong makaahon
Sasambahin kita at Mas itataas Ka pa Panginoon.

______________________________________________

About Me:
I'm Ramia Jongay, 20, 2nd yr - BS in Architecture course, a purple lover, a singer-song writer for God's glory :)

Connect with Me:
-for suggestions, collaborations and inquires:
at: [email protected]

L I K E
S H A RE
S U B S C R I BE

Thank you for watching!
Stay safe. God bless us all.


Music produced by:    • Видео