မဟာဂန္ဓာရုံဆရာတော်၊ အရှင်ဇနကာဘိဝံသ ရေးသားသည့် အဘိဓမ္မာနှင့်စပ်၍မှတ်ဖွယ်များ(အစ-အဆုံး )

Описание: အရှင်ဇနကာဘိဝံသ အဘိဓမ္မာနှင့်စပ်၍မှတ်ဖွယ်များ(အစ-အဆုံး )

အချီနိဒါန်း

ဗုဒ္ဓမြတ်စွာ ဝါတော်(၄၅)ဝါအတွင်းဟောကြားတော်မူအပ်ခဲ့သော တရားတော်များကို ပိဋကအားဖြင့်ခွဲခြားသော် ဝိနည်း, သုတ္တန်,အဘိဓမ္မာဟု သုံးမျိုးကွဲပြား၏။ ထိုတွင် အဘိဓမ္မာပိဋကသည် အခက်ခဲဆုံး, အနက်နဲဆုံး, အသိမ်မွေ့ဆုံးဖြစ်၏။ ယင်းအဘိဓမ္မာပိဋကတွင် ဓမ္မသင်္ဂဏီ, ဝိဘင်္ဂ, ဓာတုကထာ, ပုဂ္ဂလပညတ္တိ, ကထာဝတ္ထု, ယမက, ပဋ္ဌာနဟု ခုနှစ်ကျမ်းပါဝင်သည်။ ယင်းကျမ်းတို့ကို အဘိဓမ္မာခုနှစ်ကျမ်းဟု ဆိုသော်လည်း ဆဋ္ဌမူပါဠိတော်စာအုပ်အရေအတွက်အားဖြင့် (၁၂)အုပ်ရှိ၍ စာမျက်နှာပေါင်း (၄၉၄၁)မျက်နှာရှိပေသည်။

အဘိဓမ္မာနှင့်စပ်၍မှတ်ဖွယ်များ

ယင်းအဘိဓမ္မာပိဋက အဘိဓမ္မာခုနှစ်ကျမ်းလာ သဘောသဘာဝမှတ်ဖွယ်အကြောင်းအရာများကို တိုတိုကျဉ်းကျဉ်းဖြင့်နားလည်သဘောပေါက်စေရန်အတွက် အမရပူရမြို့ ကျေးဇူးတော်ရှင် မဟာဂန္ဓာရုံဆရာတော်ဘုရားသည်ဤ အဘိဓမ္မာနှင့်စပ်၍မှတ်ဖွယ်များဟူသော စာတမ်းကို ရေးသားတော်မူခဲ့ခြင်းဖြစ်ပေသည်။ ဤစာတမ်းတွင် ပိဋကအကြောင်းကို ရှေးဦးစွာပြဆို၍ ဓမ္မသင်္ဂဏီစသည့် အဘိဓမ္မာတစ်ကျမ်းချင်း၏ မှတ်ဖွယ်အကြောင်းအရာများကို အကျဉ်းချုံး၍ ပြဆိုထားသည်။ မည်သည့်ကျမ်းတွင် မည်သည့်တရားများပါဝင်သည်, ယင်းတရားများကို မည်ကဲ့သို့ဟောတော်မူထားသည်, ယင်းတရားများကို မည်ကဲ့သို့ဟောတော်မူထားသည်, ယင်းတရားများ၏ အဓိပ္ပာယ်ကား မည်သို့ဖြစ်သည် စသည်ဖြင့် ပြဆိုရာတွင်လည်း လွန်စွာစနစ်ကျပေသည်.....

အပ္ပမညဝိဘင်္ဂ

ဤဝိဘင်း၌ အပ္ပမညတရားတို့ကို အကျယ်ဝေဖန်၍ ဟောတော်မူ၏။ ဤ၍ဤမျှသာ အကျိုးလိုလားသည်ဟု အတိုင်းအရှည်ပမာဏမရှိသော သတ္တဝါအပေါင်း၌ဖြစ်သောတရားကို အပ္ပမညဟုခေါ်သည်။ ထိုအပ္ပမညတရားတို့သည် မေတ္တာ, ကရုဏာ, မုဒိတာ,ဥပေက္ခာအားဖြင့် ၄ပါးရှိကုန်၏ ။ သတ္တဝါတို့၏ စီးပွားချမ်းသာကို လိုလားသောသဘောသည် မေတ္တာမည်၏။ ဒုက္ခိတ(ဆင်းရဲသော)သတ္တဝါတို့ကိုအာရုံပြု၍သနားခြင်းသဘောသည် ကရုဏာမည်၏။ သုခိတ(ချမ်းသာသော)သတ္တဝါတို့ကို အာရုံပြု၍ ဝမ်းမြောက်ခြင်းသဘောသည် မုဒိတာမည်၏ ။ သတ္တဝါတို့ကိုလျစ်လျူရှုနိုင်ခြင်းသဘောသည် ဥပေက္ခာမည်၏။ သနားမှုလည်းမပါ၊ ဝမ်းမြောက်မှုလည်းမပါသော အလယ်အလတ်သဘောကို လျစ်လျူရှုခြင်းဟု ခေါ်သည်။ ဤအပ္ပမညာ၄ပါးလည်း အကျင့်ပဋိပတ်တစ်မျိုးပင်ဖြစ်သောကြောင့် စျာနဝိဘင်္ဂဒေသနာတော်၏အခြားမဲ့၌ ဤအပ္ပမညာဝိဘင်္ဂဒေသနာတော်ကို ဟောတော်မူသည်။


အဘိဓမ္မာနှင့်စပ်၍မှတ်ဖွယ်များကို ကျေးဇူးတော်ရှင်ဆရာတော်ဘုရား ရေးသားတော်မူခဲ့ရာတွင် ယမိုက်ကျမ်းဝယ်မှတ်ဖွယ်အထိသာ ရေးသားတော်မူခဲ့ပါသည်။ ကျန်သောပဋ္ဌာန်းကျမ်းဝယ်မှတ်ဖွယ်များကို ဤ၌ ရေးသားတော်မမူခဲ့ပါ။ ထိုသို့မရေးခဲ့ခြင်းမှာ ဝီထိနှင့်သုံးချက်စုဘာသာဋီကာကိုကြည့်၍ ပဋ္ဌာန်းကျမ်းဝယ်မှတ်ဖွယ်များကို သိနိုင်လောက်ပြီဖြစ်၍ ရေးသားတော်မမူခဲ့ခြင်းဖြစ်ပါသည်။ ထို့ကြောင့် ပဋ္ဌာန်းအကြောင်းကို ကျယ်ကျယ်ပြန့်ပြန့်ဟောတော်မူ၍ ကျမ်းစာအဖြစ် ရိုက်နှိပ်အပ်သော အခြေပြုပဋ္ဌာန်းကျမ်းများကို ကြည့်ရှုတော်မူကြရန်ဖြစ်ပါသည်။

#မဟာဂန္ဓာရုံဆရာတော်
#အရှင်ဇနကာဘိဝံသ
#အဘိဓမ္မာနှင့်စပ်၍မှတ်ဖွယ်များ
#ဗုဒ္ဓစာပေ
#ဓမ္မစာပေ
#အသံစာအုပ်