Topi mashtroi publikun, ceremonia e 100-vjetorit të Kolesianit organizuar pas 6 muajsh-(7 Mars 2012)

Описание: Lajme Arkiva 2012

Presidenca e Bamir Topit më shumë se çdo gjë tjetër do të mbahet mend për incidentet e tij të shumta si dhe mashtrimet e opinionit publik me qëllim përfitimin e kapitalit politik për partinë e tij të re që pritet ta shpallë së shpejti. Shou politik i rashës është ai i të hënës kur ai thirri në Tiranë një grup përfaqësuesish të shoqatës “Luma” për t’i dhënë shkollës së Kolesianës si shkolla e parë shqipe në krahinën e Lumës.
Duke menduar se memoria e lumjanëve është e shkurtër, Presidenti Topi në mënyrë të turpshme organizoi në Tiranë një ceremoni për 100- vjetorin e kësaj shkolle ndërkohë që realisht 100- vjetori i shkollës së parë shqipe të Kolesianit është kremtuar rreth 6 muaj më parë më 14 tetor 2011 në fshatin Kolesian. Atë kohë presidenti Topi kërkohej të merrte pjesë në këtë ceremoni, por autoritetet lokale dhe drejtuesit e shkollës e refuzuan atë.
Ndaj edhe këtë të hënë ai nxitojë të kryejë një tjetër akt të pamoralshëm duke organizuar një ceremoni të dytë për 100 vjetorin e shkollës, por ai vetë dhe organizatorët e këtij takimi të ngutshëm dolën të turpëruar edhe këtë radhë, pasi dekoratën për shkollën nuk kishte kush ta tërhiqte as kryetari i komunës dhe as drejtoresha e shkollës, të cilët munguan në këtë ceremoni të organizuar në Tiranë.
Kështu edhe dekorata për shkollën e Kolesianit mbeti një përpjekje në tentativë e presidentit për ë përçarë komunitetin e kësaj zone. Ky incident nuk ngjan tashmë një aktivitet i pazakontë për aktivitetin e presidentit Topi në këto javët e fundit kur ai po përgatitet të lërë presidencën dhe të drejtojë një parti të re, e cila në elektorat perceptohet si një parti e majtë që ka votuar Edi Ramën në 8 maj të 2011. Incidenti me shkollën e Lumës pason bojkotin e presidentit në kuvendin e Beslidhjet dhe përpjekjet e dështuara të tij për të justifikuar këtë mungesë duke implikuar në këtë histori të turpshme dy institucione, bashkinë e Lezhës si dhe protokollin e shtetit.
Jo shumë kohë përpara këtij incidenti presidenti Topi arriti të ishte lajmi i parë në media për shkak të mungesës së tij në ceremoninë e inaugurimit të ambasadës kosovare në Tiranë. Një ambasadë u mundua të justifikohej bajatshëm nga kreu aktual i shtetit./tvklan.al

SUBSCRIBE to “RTV KLAN” on YouTube for more videos!

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni n\u00eb faqen https://tvklan.al/video/
Follow Tvklan on Facebook:   / tvklan  
Follow rtvklan on Instagram:   / rtvklan  
Programet e Tv Klan mund t\u2019i ndiqni edhe n\u00eb faqen https://tvklan.al/programe/