BAM CUTTAYEN- KOZ LAVENIR (1980)

Описание: KOZ LAVENIR
Soley kouse lalinn pe leve
Napa sorti dan kourander
Divan lenor bien bien move
Bann peser ape soufer
Move lamer move divan
Reste nou koze nou koze bayo
Nou koz morso

Ki pou koze bayo ?
Lao lao nou aspere
Anba anba nou kraze
Letan lontan letan aster
Sey konpran letan vini
Letan letan...ki letan ?

Yer ankor nou ti pe galoupe
Finn fatige swiv gran dada
Finn amerde finn degoute
Pou nou lespwar finn anvole
Lao lao ki pe arive
Les mwa mo ale, mo ale, mo ale
Aret fatig mo latet

Ki fer dekouraze bayo ?
Dan sak move letan
Ena kondision pou enn zoli printan
Bann bon profet finn profese
Ek nou lespri ek nou lekor
Nou amene isi bon sezon

Si tou bann frer ti pans lavenir
Bann poet pa ti pou plore
Dan nou leker ti pou ena saler
Peser later ti pou refer
Bann zozo ti pou sant lamer
Divan lenor vinn lamizik
Nou pei nou lavi pou zoli avini
Koz lavenir

Wi bayo, tou bann konstrikter lavenir bizin inir
Fou poz premie pier
Listwar ape rezone
Larivier mansonz bizin arete
Nou amene isi bon sezon

Degaze vini nou asize
Koz nou letan koz bon sezon
Zoli kouler zoli lavi
Pou nou zanfan pou nou pei
Enn lot lavi fleri isi
Degaze degaze
Degaze bayo
Koz lavenir