Tv Klan - Pezullimi i Ballukut, Rama: Paralizohet funksioni, ndërhyjmë në legjislacion

Описание: Pas rrëzimit nga Gjykata Kushtetuese të premten të kërkesës së tij për të interpretuar nëse kishte mosmarrëveshje kompetencash mes Kryeministrit dhe SPAK-ut për pezullimin e zv. kryeministres, Edi Rama e drejtoi vetë këtë të hënë mbledhjen e Grupit Parlamentar Socialist.

Kryeministri e ka bërë edhe njëherë të qartë edhe në një postim në X pas mbledhjes se pezullimi nuk është një parashikim kushtetues, ndaj socialistët do të bëjnë ndryshime ligjore, duke nënkuptuar ndryshime në Kodin e Procedurës Penale.

“Funksionet e padelegueshme kushtetuese, nga ai i anëtarit të qeverisë tek ai i Presidentit të Republikës dhe jo vetëm, nuk mund të pezullohen kurrësesi nga askush duke u nisur nga një emër i përveçëm, sepse pezullimi paralizon funksionin, pra institucionin që ai/ajo drejton. Nisur edhe nga leximi i deklaratës publike të Gjykatës Kushtetuese, ku të gjithë anëtarët e trupës shfaqen unanimë lidhur me problemin, po ndahen tek rrugëzgjidhja, grupi parlamentar socialist do të angazhohet për zgjidhjen përmes ndërhyrjes në legjislacion”.

Rama zgjodhi ta zbardhë vetë fjalimin drejtuar deputetëve, pasi më parë ju kishte tërhequr vëmendjen për nxjerrjen në media të diskutimeve që bëhen në mbledhjet e mbyllura të forumeve, duke e cituar edhe atë vetë shpesh gabim. Ai qartësroi ligjvënësit socialistë që, pasi Kushtetuesja riktheu në fuqi pezullimin për zv. kryeministren, mbledhja e Këshillit të Rregullores, Mandateve dhe Imunitetit nuk ka asnjë ngut për t’u mbledhur dhe për të shqyrtuar kërkesën e SPAK-ut për dhënien e autorizimit për ashpërsimin e masës ndaj Ballukut.

“E vetmja palë e përmbushur nga rikthimi i pezullimit është SPAK-u, që në kushtet e pezullimit mund të vazhdojë krejt qetësisht hetimin përkatës, ndërkohë që deri në adresimin ligjor të zgjidhjes nuk ka asnjë urgjencë për të trajtuar kërkesën që SPAK-u bëri pas rënies së masës së pezullimit”.

Ashtu sic mësohet, Rama i kërkoi deputetëve socialistë në mbledhje të mbyllur, edhe në postimin në X, dhe garanton se shumica e tyre nuk kanë asnjë betejë me SPAK-un dhe prokurorët e tij, përkundrazi, nënvizoi Kryeministri.

“Një shtesë nga ana ime: SPAK-u nuk preket, vetëm mbështetet. Liria dhe e drejta e çdo prokurori për të hetuar çfarëdoqoftë e këdoqoftë nuk preken, vetëm garantohen. Pavarësia kushtetuese e pushtetit legjislativ dhe ekzekutiv, gjithashtu nuk preken. Vetëm garantohen”.

SUBSCRIBE to “RTV KLAN” on YouTube for more videos!

Email: [email protected]

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow Tvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/