සරසවි සිහින University Memories (SLIATE - UVA) Motivation video/ Life motivation video

Описание: හීන කියන දේවල් ජීවිතේට එන්නේ එක පාරක් දෙපාරක් නෙමෙයි. ඒත් ඒ හීන හැබෑ කරගන්න එක ලේසී නෑ. ගොඩක් අය හීන පස්සෙම එලවලා අවසානෙදි හෙම්බත් වෙලා මැරිලා යනවා, ඒ හීන වලින් බාගයක්වත් හැබෑ කරගන්නේ නැතුව.

අපිත් හීන ගොන්නක් හිතේ පුරවගෙනම තමයි ලස්සන තොරනක් යටින් මෙක ඇතුලටආවේ. මේ තැන අපි හැමෝටම අපේ හීන වලට යන්න පාර පෙන්නුවා, අපිට අලුත් හීන දකින්න කියලා දුන්නා. කන්න බොන්න නැත්තත් ඒ හීන හැබෑකරගන්න තිබුන අසීමාන්තික ආශාවන් අපිව ජීවත් කරා.. ඒක වෙනම ලෙවෙල් එකක ලව් එකක්.

දැන් මෙහෙම පාලුවට ගිහින් තිබුනට
ඉස්සර මේ හැම තැනකම සතුට ආදරය හිත්වල පුරවගත්තු, එක එක කොල්ලො කෙල්ලෝ පිරිලා විසිරිලා හිටියා. ගොඩක් ලෙක්චර්ස්ලා උදේ පාන්දරම ලෙක්ච හෝල් වලට ආවේ හිනා වෙලා. ඒ ඇවිත් කියපු හැම වචනයකින්ම ජීවිතයට අලුත් බලාපොරොත්තු එකින් එක ඇතිවුනා. බල්ලාට පූසට පවා මේකේ ඉන්න උන් ලව් කරා. මල් පැලේ ඉදන් අනාගතය වෙනුවෙන් ආරක්ෂා කලා. හැම අසාදාරනයක් වෙනුවෙන්ම සටන් කරලා අනාගතේ එන්න ඉන්න උන් වෙනුවෙන් දෙයක් ඉතුරු කරා.. සමහරු ඒ වෙනුවෙන් අධ්‍යාපනය පවා කැපකලා. ඒත් උන් අද හොද හොද තැන් වල වැජබෙනවා.. උන් මේ පිංබිමට පණ වගේ ආදරය කරපු මිනිස්සු. මේ භූමියේ හැම බිම් අගලක් පාසාම උන්ගේ ඒ මතකයන් අදටත් හුස්ම ගන්නවා...

අලුත් බැච් එකක් එනකොට, අවුරුද්දක් ඉවර වෙලා ඊලග යර් එකට යනකොට අරමුණු වගේම බලාපොරොත්තුත් අලුත් වුනා. පළවෙනි සෙම් එකේ රිසාල්ට් ආවම ගොඩක් උන් වැටුනා. අනිත් උන් උන්ව නැගිට්ටුවා එකෙක්ටවත් හැලෙන්න දුනේනෑ. කොහොම හරි ගොඩදාන්න බැලුවා.. අන්තිම අවුරුද්දේ අන්තිම සෙම් එක ලියලා එලියට යනකොට. ට්‍රාන්ස්ක්‍රිප්ට් එක අරන් ආපහු යනකොට දැනුන ඒ දුක හිතෙන හැගීම කියලා නිම කරන්න බැරි තරම්. ඒක හරියට ඉපදුන දවසේ ඉදන් හිටපු ගෙදරින් ඈත් වෙලා වෙන තැනකට යනකොට දැනෙන හැගීම වගේ.

එසයිමට් ප්‍රසන්ටේශන් වලට හිරවෙනකොට පහසුකම් නැතිවුනත් කට්ටියම එකට එකතුවෙලා ඒවා කරේ ගොඩක් ආසාවෙන්. සමහර කොල්ලොන්ගේ බෝඩිමටම තිබුබේ එක ලැප් එකයි නැත්තම් දෙකයි. සමහර බෝඩිම් වල එහෙම වත් නෑ. මගේ කියලා අරන් ආපු ඇදුන් බෝඩිමට ආවට පස්සේ අපේ උනා. ගෙවල් වල ඉදන් එන උන් තමන් කන්න ගෙනාව බත් එක අනිත් උන් එක්ක බෙදාගෙන කාලා හදවතින්ම සතුටු වුනා...

ඒ කාලේ එකෙක් ගෙදර යනකල් බලන් හිටියේ ගොඩක් ආසාවෙන්, ඒ වෙන මොකටවත් නෙමේ ඌ අරන් එන බත් එක කන්න.උන්ගේ අම්මලත් උන්ට වඩා බැච් එකේ අනිත් උන්ට ආදරේ කරා... ඇදෙ එහා පැත්තේ හිටපු එකා හුස්ම ගන්න රටාව පවා දැනෙන්න ගත්තා... උගේ ප්‍රශ්න මගේ වුනා, මගේ ප්‍රශ්න උගේ වුනා. ඉස්සරහට ආව හැම භාදකයකටම මුහුණ දෙන්න ඒක ලොකු හයියක් වුනා. ඒ විතරක් නෙමේ අනිත් එකාට හරියනවා දැකලා හදවතින්ම සතුටුවුනා. තමන් ගොඩ යනවට වඩා ට්‍රයි කරේ ලග ඉන්න එකා ගොඩදාන්න. අද කාලේ වුනත් ඒ දේවල් එහෙම හිතනවනම්.. මේ ලොකේ කොච්චර ලස්සන තැනක් වේවිද

ඉස්සර සති අන්තයට පවා කොල්ලො කෙල්ලොන්ගේ කටහඩවල් වලින් මෙතන දෝන්කාර දුන්නා. සතියේ දවස් වල උදේ ඉදන් ඉර බැහැලා යනකල්ම හැමෝම හැම තැනකම ඇවිද ඇවිද සෙල්ලම් කරා, තව සෙට් එකක් අනිත් උන් ගොඩ දාන්න හෝල් ඇතුලේ රෑ වෙනක් කුප්පි දැම්මා.. සෙම් එකම ලෙක්චර් ගිහිල්ලා වත් තේරුන් ගන්න බැරි වුන ගොඩක් සංකීර්ණ පාඩම් පැය දෙකේ තුනේ කුප්පියෙන් හරි ලස්සනට කවර් වුනා. සබ්ජෙට් එකේ නම දකිනකොට ඒ දේවල් අදටත් මටත් වෙනවා. ඒ තරමටම ඒ කියලා දීපුවා පවර්ෆුල්.

කැන්ටිමට වෙලා කැරම් ගැහනකොට ගහන උන්ට වඩා ආතල් ගත්තේ වටේ හිටපු උන්. රුපියල් 10 ප්ලේන්ටිය තමයි ඒ කාලේ තිබුන ලොකුම එනර්ජි ඩ්‍රින්ක් එක. රුපියල් 100 දවල් කෑම එක දහ පහලොස් දෙනෙක් බෙදාගෙන කෑවා. ඒ කාලේ බඩගින්නක් කියලා එකක් දැනුනේ නෑ. මොකද හැම වෙලාවකම හිත සතුටින් පිරිලා තිබුනේ. දැන් ඒ දේවල් මතක් වෙනකොට ආයෙමත් ඒ අතීතෙට යන්න තිබුනනම් කියලා හිතෙනවා.

තැනක් නොතැනක් නැතුව එකට එකතු වෙලා පාඩම් කරපු, සෙල්ලම් කරපු ඒ තැන අද ගොඩාක් පාලුවට ගිහින්. ඉස්සර සතිය ඉවර වෙනකල් හිටියේ කාගෙ හරි කොල්ලෙක්ගේ කෙල්ලෙක්ගෙ ගෙදරක යන්න. ඒවගේ ගිහින් කරපු කියපු දේවල් මතක් වෙද්දි අදටත් ඇස් වලට කදුලු එනවා.. අද ෆන්ශන් එකකදි වත් ගොඩක් උන් හම්බවෙන්න බැරි තරම් හැමෝම කර්‍යබහුල වෙලා.

නා ගහේ දලු වගේ මෙතැන අපේ හැමෝගෙම හැම හීනයක්ම පාට කලා. අපේ හැම අරමුණකටම යන්න පාර කියලා දුන්නා. ඒ හැම දෙයක්ම කොච්චර වටින දේවල් වුනත්. අදටත් ඒ තොරන යටින් ඇවිත් කට්ටිය එක්ක එකතු වෙලා මේක ඇතුලේ හිටපු ඒ පරණ අතීතෙට පණ වගේ ආදරෙයි. ඒ වෙන මොකුත් නිසා නෙමේ. ජීවිතේ සුන්දරයි කියලා ගෙවපු හොදම කාලේ නිසා. මොන අඩුපාඩුව තිබුනත් ඒ කාලේ ජීවිතේ උපරිමයෙන්ම විදපු නිසා. වෙන් වෙලා යන්න වුනත්.. ආදරෙයි පන වගේ ඒ අතීතයට. ඒ වගේම ස්තූතියි ඒ හැම මතකයකටම....Sliate - Badulla ...♡
.
Sprecial Thanks - තරිඳු පී හේරත් Tharindu P Herath - For Voice.

Created by :-

HNDM 🎓
උසස් අධ්‍යාපනයට සුදුසුම මග...
Higher National Diploma in Management
HNDM - SLIATE BADULLA


#SLIATE #HNDM #SLIATE #ATI #ATIBadulla #Departmentofmanagemnet #DM #Sliatebadulla
#Highernationaldiplomainmanagement #HRM #Marketung #Management #Advancedtechnologicalibstitute #Badulla #beautifulbadulla #University #sliate #campus