ئارام ئەحمەد لەدوای گرتنی لاهوری شێخ جەنگیو براکەی داهاتویان بەرەو کوێ ئەروات و سلیمانی چی لێیەت

Описание: ئەو میمۆریە لە کوێیە؟!

کاتێک "خوسرەوی گوڵسورخی" شاعیرو شۆڕشگێڕی ئێرانیان بانگ کردە بەردەم دادوەر،داوەری پێی وت " فەرموو دیفاع لە خۆت بکە؟ لە وەڵامدا پێیەکانی دا بە تەختەکەی ژێریداو وتی" من هیچ دیفاعێکم لەخۆم نیە بەڵکو دیفاعم لە کرێکارو خەڵکی بەشمەینەت و ڕەشو ڕووتی وڵاتەکەم هەیە، من لە پێناوی ئەواندا جەنگاوم"

لەسەر مێژووی خەباتەکەی و ئەو قسانە بەیانیەک کە تازە خەریک بوو ڕۆژ ڕوناکایی دەبەخشی بە وڵات،بردیانە پای سێدارە،کاتێک ویستیان چاوەکانی ببەستن، وتی" چاوەکانم مەبەستن با بۆدواجار هەڵهاتنی هەتاو ببینم و ببینم چۆن تیشکەکانی پرچی ژیان دادەهێنێت" لەوبەیانیەدا گیان و ژیانیان لێ وەرگرتەوە.

مێژووی مرۆڤایەتی پڕیەتی لە مرۆڤی بەشەرەف و خاوەن ئابڕوو کە لەپێناوی بیروباوەڕو خەلک و گەل ونیشتیماندا گیان وژیانی بەخشیوەو تا دوا هەناسە چۆکی دانەداوە.

ئێمەی هەژ بەسەریش خاوەنی بەڕێوەبەری کەناڵێکین، ئەمڕۆ یەکەم پرسیاری دادوەر کەلێی کرد ئەوە بوو "میمۆریەکەت لە کوێ شارۆتەوە؟"ئەمیش وتی" من وەڵام نادەمەوە!!!!!"

کام میمۆری؟ ئەو میمۆریەی کە فیلمی کاری نابەجێی هاوڕێکانی خۆیی تێدایەو ئەم بە نهێنی وبۆ سەرپێ شۆڕکردن و بە کۆیلە کردنیان لێی گرتوون.

خودایە چ کارەساتێکە! چەندە ترسناکە ئەم ژیانەی ئێمەی تێداین! چەندە قیزەون وبیمارە دنیای ئێمە!چەندە نائومێدو ئازار بەخشە!!

وەرە خودایە هاوڕێی کەسانی ئاوا بە و بڵێ من گۆڕانکاری دەکەم لە کۆمەڵگاداو ئازادی و ئەخلاقی بەرزی مرۆڤانە دەگێڕمەوە بۆ خەڵک! بڵێی من هاتووم پشتیوانی لەخەڵک دەکەم و ئەمەوێت باری لاری دنیای خۆمان ڕاست کەمەوە!

ببینن ئێمە چەندە گوناحین! چەندە هەژارو نەگبەتین! وەرە دەستەکانت بخە ناودەستی ئاواو ببە هاوڕێی و بڵێ بەیەکەوە دنیا دەگۆڕین!ئەویش بوباتە شوقەیەک و تەڵەت بۆ دانێ و تەونی هەوڵدان بۆتیرۆری کەسایەتیت بچنێت!

لێی گەڕێم باشە، ئێجگار بیمارە دنیای ئەخلاقی ئێمە!!!

ئارام ئەحمەد
21-8-2025

ا