Shije Shtëpie - Patate, spinaq dhe vezë, një kombinimin i shijshëm dhe i shëndetshëm - Tv Klan

Описание: Patate, spinaq dhe vezë, një kombinimin i shijshëm dhe i shëndetshëm

400 gr patate ( të ziera )
1 qepë e vogël
10-12 domate qershi
100 gr spinaq
100 gr djathë të bardhë
3 kokrra vezë
1/2 gotë qumësht ( 100 ml )
Vaj ulliri
Kripë + piper të zi
100 gr djathë mozzarela


Fillimisht qerojmë patatet, i presim në dysh ose katërsh nëse janë të mëdha. I vendosim në një tenxhere me ujë të ftohtë + kripë dhe i lëmë të ziejnë për 25 min nga pika e vlimit.
Më pas i vendosim në një tepsi ku kemi shtruar letër pjekje + vaj dhe shtypim lehtë ose me një shtypse patatet dhe nivelojmë mbi bazë. E spërkasim me pak vaj. Mbi këtë bazë vendosim pak qepë të prerë hollë në fije, e më pas domate qershi të prerë në gjysma. Mbi domatet shpërndajmë në të gjithë sipërfaqen gjethet e spinaqit të prera trashë, therrmojmë mbi spinaqin pak djathë të bardhë. Në një tas rrahim 3 vezë + qumështin + kripë dhe piper të zi, i përziejmë mirë dhe e shpërndajmë mbi spinaqin. Mbulojmë sipërfaqen e tavës me djathë mozzarela të grirë e më pas e vendosim tavën në furrë në temperaturën 180 gradë për 20-25 min. E shërbejmë të ngrohtë në feta.
#ShijeShtëpie Nga e hëna në të shtunë, live, nga ora 09:05-11:00, me Katerina Trungun & Znj.Vjollca. Një emision edukues, informues, argëtues. Çdo ditë me recetat e thjeshta dhe mbi të gjitha ekonomike, të Zj.Vjollca u tregon dhe mëson amvisave të çdo moshe si të gatuajnë receta të shijshme për të mbushur tavolinat e familjeve të tyre. Çdo ditë me Katerina Trungun informojmë publikun ndërmjet rubrikave dhe të ftuarve, me këshilla të thjeshta praktike, të kuptueshme nga të gjithë, për çdo aspekt të të përditshmes.

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow rtvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/

#Receta #ZonjaVjollca #KaterinaTrungu