Үг. Ё.Алтангэрэл Ая.Л.Лхамрагчаа "НАЙ УУХАЙ - УУХАЙН ТҮРЛЭГ ОРШИВОЙ"

Описание: 2014 онд ЮНЕСКО-гоос Хүн төрөлхтөний оюуны алтан санд албан ёсоор бүртгэн баталгаажуулсан Монголын уламжлалт Шагайн Харваа хэмээх гайхамшигт өв соёлыг залуу үе, үр хойчдоо өвлүүлэх, түгээн сурталчлах зорилгын хүрээнд бүтээгдсэн клип билээ. Харван наадахын зэрэгцээ Уухай хэмээх нандин өв соёлыг хоршуулан өвөрмөц, дахин давтагдашгүй, хосолмол чанар бүхий гайхамшигт наадгайг туурвин бий болгосон өвөг дээдэстээ, ахмад буурлууддаа талархан мөргөмүй. Нүүдэлчдийн бий болгосон мянга мянган гайхамшигт өв соёлын нэг Монгол Шагайн Харвааг түгээн дэлгэрүүлэх үйлсэд бага ч атугай нэмэр болтугай.

"НАЙ УУХАЙ" - УУХАЙН ТҮРЛЭГ ОРШИВОЙ

Эрин зууныг дамжин ирсэн
Тэнгрийн андгай
Элэнц хуланцаас дээдлэн барьсан
Эвийн наадгай
Энэ цагийн эрхэм нандин
Шагайн харваа
Ирээдүй Танаа өргөн барих
Най Уухай
Най Уухай- Най Уухай- Най Уухай

Хөхрөгчийн доор УУХАЙ
Хөрстийн дээр УУХАЙ
Хүмүүний зүрхийг донслуулж УУХАЙ
Хүсэл сэтгэлийг дэнслүүлж УУХАЙ

Ургахын наранг шингэтэл УУХАЙ
Ус далайг цалгитал УУХАЙ
Уул хангайг доргитол УУХАЙ
Улс гүрнийг оргитол УУХАЙ

Хавтай эрсийн бахтай УУХАЙ
Хамаг Монголын өвөг УУХАЙ
Харанхуйг ярсан аянга УУХАЙ
Хатан зүрхний уянга УУХАЙ

Хөхрөгчийн доор УУХАЙ
Хөрстийн дээр УУХАЙ
Хүмүүний зүрхийг донслуулж УУХАЙ
Хүсэл сэтгэлийг дэнслүүлж УУХАЙ

Уухай - Уухай - Уухай - НАЙ УУХАЙ.
(2021 он 12-р сар)