ალკოჰოლური სასმელის ფალსიფიცირების ფაქტზე ერთი პირი დააკავეს

Описание: საქართველოს ფინანსთა სამინისტროს საგამოძიებო სამსახურმა, ალკოჰოლური სასმელის ფალსიფიცირების ფაქტზე მიხეილ ბერიძიშვილი დააკავა.

საგამოძიებო სამსახურის ინფორმაციით, დაკავებული, სისტემატურად ახდენდა ცნობილი ქართული ალკოჰოლური ბრენდების, "სარაჯიშვილის", "დავითის" და "ასკანელის" ფალსიფიკაციას, ხოლო შემდეგ დამზადებული ფალსიფიცირებული პროდუქციის რეალიზაციას სხვადასხვა სავაჭრო ობიექტებზე ახორციელებდა.
დაკავებულის საცხოვრებელი სახლის ჩხრეკისას ამოიღეს პოლიეთილენის ბოთლები, რომლებშიც მოთავსებული იყო ყავისფერი სითხე და დატანილი იყო ქართული ბრენდების - "ბახმაროსა" და "ნატახტარის" ეტიკეტები.
გამოძიება სისხლის სამართლის კოდექსის 197-ე მუხლის პირველი ნაწილით მიმდინარეობს, რაც 3 წლამდე ვადით თავისუფლების აღკვეთას ითვალისწინებს.