Tv Klan - ARRSH nis punën për segmentin e ri në Librazhd

Описание: Në Dragostunjë vijon puna për ndërtimin e rrugës alternative që do të mundësojë hapjen e qarkullimit në aksin Librazhd-Prrenjas, i bllokuar prej 6 ditësh, pas rrëshqitjeve të tokës.
Punimet janë përqendruar në heqjen e masave të dherave dhe në devijimin e lumit Shkumbin, i cili po spostohet në krahun e majtë, për të krijuar hapësirën e nevojshme për ndërtimin e segmentit të ri përgjatë linjës hekurudhore.
“Janë përgatitur disa alternativa të cilat ne po i shqyrtojmë bashkë me hekurudhën e shtetit. Po bëhet lehtësimi i trupit të rrëshqitur lart duke filluar nga maja për t’i hapur vend sondave që do të zhvillohen”, pohoi Ami Kozeli, drejtor i përgjithshëm i Autoritetit Rrugor Shqiptar.
Pavarësisht rrezikshmërisë drejtuesit e automjeteve po përdorin aksin e vjetër në gjurmë të rrugës Egnatia, mbi 2 mijëvjeçare. Automjetet kalojnë mes fshatrave, nga Spathari në Dardhë e Hotolisht.
Kjo rrugë gjarpëron mes maleve dhe është mjaft e rrezikshme. Edhe Autoriteti Rrugor Shqiptar nuk e ka rekomanduar këtë aks rrugor.
Aksi është 15 km i gjatë, por duhen rreth 2 orë për ta përshkuar. Për shkak të terrenit të vështirë automjetet bllokohen.
Disa përdorues automjetesh thonë:
“Më mirë të mos e marrin makinën se do ta shkatërrojnë”
“Është një cikël e vështirë, por e kalueshme”.
“Si t’ia bëjmë të ikim në Janinë e të dalim në Librazhd”.
“Me këtë variant, shikojmë edhe malet e Shqipërisë”.
“Shumë e rrezikshme është, por çfarë të bëjmë”.
“Jam nga Ukraina dhe po shkoj në Greqi. Rruga është shumë e keqe, mendoj nëse pasi të ndërtohet e reja do të jetë mirë.”
Bllokimi ka sjellë fluks edhe në doganën e Bllatës. Prej dy ditësh kjo pikë doganore po përdoret për të hyrë në vendin tonë nga territori i Maqedonisë së Veriut.
Automjetet, kryesisht ato të tonazhit të rëndë, po përdorin përmes Bllatës rrugën e Arbrit drejt Tiranës e Durrësit.
Në 48 orë janë përpunuar rreth 400 kamionë, të cilët vijnë nga Greqia, Turqia, Bullgaria e Maqedonia e Veriut.
“Të gjithë kamionët e Qafë-Thanës janë drejtuar drejt Qafë-Bllatës dhe jam i lumtur t’ju njoftoj që edhe e kanë kaluar Qafë-Bllatën, pra kanë shkuar në destinacionet e tyre”, deklaroi Besmir Beja, drejtor i përgjithshëm i Doganave.
Për automjetet e vogla që kanë destinacion juglindjen ose anasjelltas, Autoriteti Rrugor Shqiptar ka rekomanduar që të kalohet nga Gramshi dhe Përmeti.


SUBSCRIBE to “RTV KLAN” on YouTube for more videos!

Email: [email protected]

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow Tvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/