360° season 12, show 42 Кој избрза со изјавите за „брза пруга“ – интервју со вицепремиерот Николоски

Описание: Broadcasted on March 2, 2026 (Monday Thursday) on MRT1 at 20.15.

Како ја доживеа одлуката на Христијан Мицкоски да нема партиски потпретседатели во овој негов лидерски мандат, по кој во 2029 г. ВМРО-ДПМНЕ ќе има нов претседател – е една од темите на кои разговараме со вицепремиерот и министер за транспорт Александар Николоски, кој гостува во новото издание на емисијата „360 степени“ на МРТ 1. Дали ја поддржува одлуката на Мицкоски да не прифати измени на Статутот и со тоа неговиот трет лидерски мандат да биде и последен, дали тоа веќе влијае на односите во партијата и во Владата и дали лично тој има амбиција за лидер во 2029 година, се дел од прашањата на кои одговара Николоски. Тема се и: пролонгирањето на рокот за завршување на автопатот Кичево – Охрид до 31 мај 2027 г. и одобрувањето нови 186 милиони евра за таа намена; прашањето дали воопшто ќе се гради автопатската делница Требеништа – Ќафасан (дел од проектот со „Бехтел и Енка“) со оглед на забелешките од УНЕСКО; дали е избрана најдобрата опција за автопатот Гостивар – Букојчани; кој избрза за брзата пруга, па од најави дека ќе има механизација на терен кон крајот на минатата година, сè уште да не е избран ни кредитор. Зборуваме и за тендерот за набавка на 150 електрични автобуси, што премиерот најави дека ќе го финансира со нов заем од Унгарија.