ફ્લાવર શોમાં ગિનીસ વર્લ્ડ રેકોર્ડ, ૯૫ હજારથી વધુ ફૂલોથી “નવસારી” નામ રચાયું

Описание: નવસારી શહેરના ઈતિહાસમાં આજે એક સુવર્ણ અક્ષરોથી લખાય એવો દિવસ નોંધાયો છે.
શહેરમાં પ્રથમ વખત આયોજિત ભવ્ય ફ્લાવર શોએ માત્ર સૌંદર્ય જ નહીં, પરંતુ વિશ્વ વિક્રમ પણ સર્જ્યો છે. ૯૫ હજારથી વધુ ફૂલોથી તૈયાર કરાયેલ “નવસારી” શબ્દને ગિનીસ બુક ઓફ વર્લ્ડ રેકોર્ડ પ્રાપ્ત થયો છે. ચાલો, લુન્સીકુઈ મેદાન પરથી રજૂ કરીએ છીએ આ વિશેષ અહેવાલ…

શહેરી વિકાસ પર્વ ૨૦૨૫–૨૬ અંતર્ગત સુશાસન પર્વની થીમ હેઠળ નવસારી મહાનગરપાલિકા દ્વારા નવસારી શહેરમાં પ્રથમ વખત ભવ્ય ફ્લાવર શોનું આયોજન કરવામાં આવ્યું છે. લુન્સીકુઈ મેદાન ખાતે યોજાયેલા આ ફ્લાવર શોનું ઉદ્ઘાટન કેન્દ્રીય જળ શક્તિ મંત્રી શ્રી સી.આર. પાટીલના વરદ હસ્તે કરવામાં આવ્યું. આ પ્રસંગે આદિજાતિ વિકાસ મંત્રી શ્રી નરેશભાઈ પટેલ વિશેષ ઉપસ્થિત રહ્યા. આ ફ્લાવર શોમાં ૯૫,૦૦૦થી વધુ ફૂલોથી તૈયાર કરાયેલ “નવસારી” શબ્દની વિશાળ ફૂલ આકૃતિએ ગિનીસ બુક ઓફ વર્લ્ડ રેકોર્ડ પોતાના નામે નોંધાવ્યો છે. આ ઐતિહાસિક સિદ્ધિ
નવસારી મ્યુનિસિપલ કોર્પોરેશનના નામે નોંધાતા શહેરને રાષ્ટ્રીય અને આંતરરાષ્ટ્રીય સ્તરે
વિશેષ ઓળખ મળી છે.
આ ફ્લાવર શોમાં ૧૦ લાખથી વધુ વિવિધ પ્રકારના પ્લાન્ટ્સનો ઉપયોગ કરવામાં આવ્યો છે.
પ્રદર્શનમાં ૨૫ જાતના ફ્લાવર ક્રોપ અને ૪૦થી વધુ રંગબેરંગી ફૂલો જોવા મળી રહ્યા છે.ખાસ વાત એ છે કે ભારત ઉપરાંત અમેરિકા, જાપાન, નેધરલેન્ડ અને જર્મની જેવા દેશોના ફૂલોથી તૈયાર કરાયેલી વિશેષ આકૃતિઓ લોકોમાં ભારે આકર્ષણ જગાવી રહી છે. ફૂલોથી તૈયાર કરાયેલ
૮ ફૂટ બાય ૪૯ ફૂટની વિશાળ ફૂલ દીવાલ પર “નવસારી” લખાણ, સરદાર વલ્લભભાઈ પટેલની પ્રતિમા, ઈસરોનું સ્પેસ રોકેટ, વાઘ, સંસદ ભવન અને નવસારીનું ઐતિહાસિક ટાવર ફ્લાવર શોની શોભામાં વધારો કરી રહ્યા છે. વિશ્વ વિક્રમ સાથે નવસારીનો આ ફ્લાવર શો શહેરની સર્જનાત્મકતા, સુંદરતા અને સુશાસન પ્રત્યેની પ્રતિબદ્ધતાનું શ્રેષ્ઠ ઉદાહરણ બની રહ્યો છે.


ફલાવર શો નવસારીમાં સર્જાયો વિશ્વ વિક્રમ, ૯૫ હજાર ફૂલોથી તૈયાર ‘નવસારી’ શબ્દને ગિનીસ રેકોર્ડ, સુશાસન પર્વની ભવ્ય ઉજવણી, ૧૦ લાખ પ્લાન્ટ્સ સાથે નવસારી ફ્લાવર શો ચર્ચામાં...

#Flower #Show #FlowerShow #India #Gujarat #Navsari #Municipality #Cooperation #Free #Lunsikui #People #Townspeople #Video #Reel #News નવસારી મહાનગર પાલિકા
#Flowershow
#WorldRecord #GuinnessBook #Record
#Commissioner #Officer #Plant #Environment #Preparation #Colorful #Flower #Aroma #SPNews #youtube