សម្លាញ់ចិត្តអូន Somlanh Chet Oun -- Ros Sereysothea -- Khmer Golden Classic

Описание: សម្លាញ់ចិត្តអូន Somlanh Chet Oun -- Ros Sereysothea -- Khmer Golden Classic.

សម្លាញ់ចិត្តអូន
--- រស់ សេរីសុទ្ធា ---

(ពោល) (ស) បងសុជាតៗ បងសុជាតសម្លាញ់ចិត្តអូន
តើបងស្រឡាញ់អូនទេ?
(ប) តារាអូន បងស្រឡាញ់អូនណាស់ តើពេលនេះ តារានៅទីណា?
(ស) ដូច្នេះ សូមបងស្តាប់អូនឲ្យបាន អូនធ្វើនេះ
ប្រាកដជាមិនគប្បីចំពោះបំណងបងទេ តែដើម្បីឲ្យបង
បានប្រាសចាកពីកម្មផលមួយ ដែលតាមផ្តន្ទាបងនោះ
អូនក៏សម្រេចចិត្ត ធ្វើពលិកម្មនេះឡើង បងសុជាត!
បើអូននៅបើកភ្នែកមើលមុខដ៏ស្វិតស្រពោនរាល់ថ្ងៃនោះ
នោះក្តីអាណិត ក្តីស្រឡាញ់ ក្តីទុក្ខសោក ក្តីឈឺចាប់
ប្រាកដជាមានពិសពុលជាងនេះរាប់មុឺនដងទ្វេឡើងទៀត
សុជាតសម្លាញ់ចិត្តអូន! អូនស្តាយណាស់
ដែលមិនបានជួបបងដូចក្តីប្រាថ្នា
ស្តាយចិត្តប្រុសដែលមានភក្តីភាពចំពោះសង្សារ
ស្តាយទឹកភ្នែកដែលហូរចាកទ្រនុំគ្មានក្តីសង្ឃឹម
ស្តាយមិនបានរួមរស់ជាមួយបង ដែលអូនស្រឡាញ់ស្មើជីវិត
ស្តាយគ្រប់អនុសារទាំងអស់ ដែលអូនធ្លាប់មានជាមួយបង
ស្តាយមិនបានស្តាប់សម្តីបង ដែលបងតែងនិយាយសើច ស្រឡាញ់! ស្រឡាញ់! ស្រឡាញ់អូនណាស់! ស្រឡាញ់អូនតែម្នាក់
ស្រឡាញ់អូនលើសពីកែវភ្នែក សម្តីទាំងនេះ
អូនប្រាថ្នាឲ្យចាំលុះជាតិក្រោយទៀត ពិសេស ចម្រៀងមួយបទ
ដែលបងតែងមិនទាន់ចប់ គ្រានេះ អូនបានបញ្ចប់វាហើយ!
បញ្ចប់រឿងយើងទាំពីរនាក់ បញ្ចប់ក្តីស្មោះ បញ្ចប់ជីវិតអូន!
ពិសេស គឺបញ្ចប់ពាក្យសម្បថ ដែលអូនបានស្បថនឹងបង
សុជាតបង សូមបងកុំសោកឲ្យសោះ ព្រលឹងអូនប្រាកដជាមិនវិលវល់ក្នុងភពសៅហ្មងនេះទៀតទេ សូមសម្លសញ់ចិត្តអូន
បានប្រកបតែនឹងសេចក្តីសុខគ្រប់ប្រការ បងសុជាត!

១ សម្លាញ់ចិត្តអើយ ស្តាប់អូនណាបង អូនគ្មានបំណង
ប៉ងឃ្លាតបងទេ ណាៗបងណា។

២ អូននឹកបងណាស់ ស្រឡាញ់បងណាស់ តែក្តីស្នេហ៍យើង
ប្រែជាមានកម្ម មកពង្រាត់ហើយ មកពង្រាត់ហើយ។

បន្ទរ បើស្រឡាញ់ពិត កុំបីបងគិត ដល់អូនទៀតណា
ព្រោះអូនបានលាចាក កុំសោកា ចោលរូបបងហើយ។

៣ ចម្រៀងមួយបទ បងតែងមិនចប់ ពេលនេះអូនបាន បញ្ចប់វាហើយ
ណាសម្លាញ់ចិត្ត សម្លាញ់ចិត្តអើយ៕

(ប្រុសពោល) តារាអូន អំណេឹះតទៅ ខ្លួនបងប្រាកដជាមានពិសពុលមិនខានឡើយ ដូចជាកប្បាសលុះក្នុងភ្លើងព្រៃហើយ។

បន្ទរ បើស្រឡាញ់ពិត កុំបីបងគិត ដល់អូនទៀតណា
ព្រោះអូនបានលាចាក កុំសោកា ចោលរូបបងហើយ។

៣ ចម្រៀងមួយបទ បងតែងមិនចប់ ពេលនេះអូនបាន បញ្ចប់វាហើយ ណាសម្លាញ់ចិត្ត សម្លាញ់ចិត្តអើយ៕