გორში მამაკაცმა ყოფილი ცოლი და ცოლის ამჟამინდელი მეუღლე მოკლა

Описание: მკვლელობა მოხდა გორში. მეზობლების ინფორმაციით, შუახნის მამაკაცმა ცეცხლსასროლი იარაღით ყოფილი ცოლი და ცოლის ამჟამინდელი მეუღლე მოკლა.

არსებული ინფორმაციით, მამაკაცი ცოლს წლების წინ დაშორდა, ყოფილი მეუღლე კი მეორედ გათხოვდა და ბოლო წლების განმავლობაში, პირველი ქორწინებისას შეძენილ შვილებთან ერთად, ისრაელში ცხოვრობდა.

მეზობლების ინფორმაციით, ისრაელში მათი ერთ-ერთი შვილი, 25 წლის გოგონა გარდაიცვალა, რომელიც გუშინ გვიან ღამით გორში ჩამოასვენეს და მკვლელობაც სწორედ ამის შემდეგ მოხდა. ასევე, სახელდება მეორე ვერსიაც - ეს ეჭვიანობაა.

საქმეზე გამოძიება 109-ე მუხლით მიმდინარეობს, რაც დამამძიმებელ გარემოებებში განძრახ მკვლელობას გულისხმობს.

რა ხდება ამ წუთებში საცხოვრებელ სახლთან და მკვლელობის რა ვერსიებზე საუბრობენ მეზობლები - ნოდარ ჩაჩუა მუშაობს ადგილზე.