Blushi kundër përjashtimit të Islamit: Gabim i qartë i Partisë Socialiste-(30 Mars 2012)

Описание: Lajme Arkiva 2012

Deputeti socialist Ben Blushi, i njohur ndryshe si ideatori i Lëvizjes për Mendimin Ndryshe brenda Partisë Socialiste pas humbjes në zgjedhjet e 2009, është shprehur se përjashtimi nga grupi parlamentar i Kastriot Islamit ishte i gabuar.
I ftuar në emisionin Opinion të gazetarit Blendi Fevziu, përballë një paneli gazetarësh, Blushi tha se Partia Socialiste dhe vetë kryetari Edi Rama kishin më shumë arsye për të përjashtuar atë vetë se deputetin Islami.
Ben Blushi: “Në qoftë se kishte njeri që duhej përjashtuar, mbase duhet të isha unë i pari. Unë kam, i kam dhënë Partisë Socialiste më shumë arsye për të më përjashtuar. Kjo nuk do të thotë që kishin të drejtë arsye të më përjashtonin apo drejtë të më përjashtonin, siç nuk ishte e drejtë që përjashtuan ata që përjashtuan, por pa dyshim që është i padrejtë. Kastriot Islami është përjashtuar nga partia për diçka për të cilën mendonim më shumë se ai vetë.”
Për Ben Blushin, lëvizja e ashtuquajtur “LMN” e ka kryer misionin për të cilin u krijua në momentin që Partia Socialiste hoqi dorë nga bojkoti parlamentar.
Ben Blushi: “Është quajtur LMN. Arriti të ndikojë që qëndrimi i Partisë Socialiste në përgjithësi të ndryshojë, të shkojë nga rruga në institucione.”
Blushi i është përgjigjur interesit të gazetarëve për marrëdhënien e tij aktuale me Edi Ramën.
Ben Blushi: “Tani nuk e fsheh dot, ka një mirëkuptim më të madh, sepse ka afrim më të madh qëndrimesh, pra nuk është çështje njerëzish, është çështje opinionesh apo mendimesh në përgjithësi për të ardhmen e Partisë Socialiste. Jemi shumë më të pjekur se para tre apo katër vitesh.”
Për Blushin, në zgjedhjet e ardhshme, Partia Socialiste me programin e saj duhet të dëshmojë se ka një ideologji të majtë, pasi teza e 2009-tës përtej të majtës dhe të djathtës tregoi se nuk e justifikoi veten.
Në këtë pikë, Blushi sqaroi dhe daljen me një platformë të tijën të bërë publike në të njëjtën kohë, kur kryesocialisti ndodhej në Shtetet e Bashkuara të Amerikës.
Robert Rakipllari: “Fakti që Rama se quan platformë çfarë komenti keni?”
Ben Blushi: “Fakti që Rama se quan platformë mua do të duhet të më detyronte ta quaj platformë.”
Robert Rakipllari: “Është një domethënie politike botimi i kësaj platforme në një moment që Rama ishte në vizitë të rëndësishme në Departamentin e Shtetit?”
Ben Blushi: “Kur Rama shkon në Angli apo në Amerikë, unë duhet të pushoj së menduari?”
A duhet të bëjë koalicion Partia Socialiste me partinë e presidentit Topi dhe Kreshnik Spahiut dhe a do të marrin vota të majta këto dy parti nëse dalin si një pol i ri në zgjedhjet e 2013-tës?
Ben Blushi: “Do përgjigjem ashtu siç do donte zoti Topi që të përgjigjesha në fakt. Ku ka futbollist që nuk shpreson në 90 minuta që një nga kundërshtarët do bëjë gol në portën e vet? Ky është rasti jonë me zotin Topi, Ai nuk e pranon, por në qoftë se ka votuar për zotin Rama, ka bërë mirë.”
Blendi Fevziu: “Rrezikon zoti Topi apo Spahiu të marrin vota të majta?”
Ben Blushi: “Nuk e përjashtoj, por jam i bindur që ato, në qoftë se secili prej tyre ka 10 vota, jam i bindur që në dhjetë vota tetë apo nëntë janë nga e djathta.”/tvklan.al
Gazetare: Elja Zotka

SUBSCRIBE to “RTV KLAN” on YouTube for more videos!

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni n\u00eb faqen https://tvklan.al/video/
Follow Tvklan on Facebook:   / tvklan  
Follow rtvklan on Instagram:   / rtvklan  
Programet e Tv Klan mund t\u2019i ndiqni edhe n\u00eb faqen https://tvklan.al/programe/