Top News - Pse nuk kanë hyrë në luftë Huthit? Partnerët e Iranit në Jemen po qëndrojnë duarlidhur

Описание: Aleatët shiitë të Iranit në Liban dhe Irak i janë bashkuar luftës në rajon të nisur nga sulmet e SHBA-së dhe Izraelit ndaj Teheranit. Por rebelët Huthi të Jemenit, të armatosur rëndë dhe të aftë për të goditur fqinjët e Gjirit dhe për të shkaktuar ndërprerje të mëdha të lundrimit rreth Gadishullit Arabik, ende nuk janë përfshirë në konflikt. Huthit janë një lëvizje ushtarake, politike dhe fetare e udhëhequr nga familja Huthi dhe me bazë në Jemenin verior. Ata kanë një histori të luftimeve guerile me ushtrinë jemenase dhe në vitin 2014 pushtuan kryeqytetin e Jemenit, Sanaa. Një vit më pas Arabia saudite udhëhoqi një koalicion shtetesh arabe në një ndërhyrje ushtarake kundër grupit. Huthit treguan se kanë kapacitete të konsiderueshme si edhe një arsenal të madh raketash dhe dronësh, duke sulmuar instalimet e naftës dhe infrastrukturën jetësore në Arabinë Saudite dhe Emiratet e Bashkuara Arabe. Pas sulmit të 7 tetorit 2023 ndaj Izraelit nga Hamasi, Huthit filluan të qëllonin anijet e huaja në Detin e Kuq, duke thënë se po e bënin këtë në mbështetje të palestinezëve. Por pse nuk janë përfshirë ende në luftën në iran? Më 5 mars, udhëheqësi i Huthive Abdul Malik Al-Houthi tha se grupi i tij ishte gati të sulmonte në çdo moment. “Ne e kemi gishtin në këmbëz”, tha ai. Por ndryshe nga Hezbollahu i Libanit dhe grupet e armatosura irakiane, ata nuk kanë bërë ndonjë njoftim zyrtar për t'u bashkuar me luftën. Ndërsa Irani i mbështet Huthit si pjesë të "Boshtit të Rezistencës", ekspertët e Jemenit thonë se lëvizja është e motivuar kryesisht nga një axhendë e brendshme. SHBA thotë se Irani i ka armatosur, financuar dhe trajnuar Huthit me ndihmën e Hezbollahut. Huthit ndërkohë mohojnë të jenë një vegël e Iranit dhe thonë se zhvillojnë armët e tyre.
Disa analistë thonë se huthit mund të kenë ndërmarrë tashmë sulme individuale mbi objektivat në shtetet fqinje, pavarësisht se nuk ka prova. Të tjerë thonë se Huthit po e mbajnë barutin e tyre të thatë për një moment të përshtatshëm për të hyrë në konflikt, në koordinim me Iranin, në mënyrë që të ushtrojnë presion maksimal. Por ka edhe nga ata që mendojnë se Huthit do të qëndrojnë duarlidhur për shkak të presionit ekonomik në rritje dhe mundësisë së sulmeve intensive të SHBA-së, Izraelit e madje edhe Arabisë saudite.

Pamje:AFP

Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.

Për më shumë vizitoni: http://top-channel.tv/

Subscribe to "Top Channel" on YouTube Channel for NEWS and TV
Shows HERE: http://bit.ly/2Y15KwK
For more content from click HERE: www.top-channel.tv
Like Top Channel on Facebook HERE: http://bit.ly/2FglWTs
Follow Top Channel on Instagram HERE: http://bit.ly/2uaYG2U
Follow Top Channel on Twitter HERE: http://bit.ly/2TJndeH
#TopNews#Iran#Jemen#Huth