Bobbejaan Klim die Berg (Lekker kamp weergawe)

Описание: 🎵Bobbejaan Klim die Berg (Lekker kamp weergawe)
(deur Wynand Bezuidenhout)

📖 Oor die Lied:

Hierdie lied het nie begin by ’n kampvuur nie… dit het begin agter ’n rekenaarskerm.

Ek het in my kantoor gesit en werk aan vervelige finansiële modelle – spreadsheets, projeksies, getalle wat nie wil saamwerk nie. Kop moeg, oë seer. En toe begin my gedagtes dwaal.

“Dit sal darem lekker wees om te kamp…”

En net so was ek terug by Cape Vidal.

Sand onder my voete. ’n Tent wat effens skeef staan. Die see se wind. Die bos se geluide. En natuurlik… die diere wat ons behoorlik gepeper het.

Ape wat koekies steel.
Mongooses wat potjiekos ontdek.
’n Ratel wat snags om die tent snuffel.
Selfs ’n luiperd wat iewers in die donker rondbeweeg het.
En ja… daar was ook al ’n hiëna oor die jare.

Dit was rof. Dit was wild. Maar dit was ongelooflik lekker.

Ek wil niemand afraai om daar te gaan kamp nie — inteendeel, ek wil jou aanmoedig: gaan! Dis ’n ondervinding en ’n half. Kyk net mooi agter die kinders. Zip jou tent toe in die aand. Pak jou kos mooi weg. Maar moenie dat die avontuur jou afskrik nie.

Dis hoe memories gemaak word.

🎵 ’n Klein Nota oor “Bobbejaan klim die berg”

Die bekende ou lied “Bobbejaan klim die berg” was daai oggend al vroeg in my kop vas. Daardie speelse wysie het net bly draai terwyl ek tussen finansiële modelle vasgesit het — en toe ek begin droom oor Cape Vidal en al die ape wat ons kamp geplunder het, het dit skielik perfek gepas. Dis nie ’n weergawe of kopie van die oorspronklike nie — maar daardie nostalgiese gevoel en humor het beslis die vonk gegee vir hierdie kampery-storie. Party liedjies bly maar net saam met ’n mens, en soms wag hulle vir die regte storie om weer lewe te kry.

Om eerlik te wees: net om terug te dink aan daardie vakansie het my sommer weer ’n goeie dop energie gegee. Skielik was die getalle nie meer so swaar nie.

Hierdie lied is daardie dagdroom. Daardie herinnering. Daardie lag in die chaos.

So gaan kamp.
Maak stories.
Lag saam.
Leef voluit.

Soos ek en Petro en die kinders gedoen het.

💬 Persoonlike Boodskap:
Ek skryf hierdie liedjies nie vir roem nie — maar omdat ek dit geniet. Party is ernstig, party is snaaks, party is net pure herinnering. As hierdie een jou laat glimlag of jou lus maak om jou tent te pak, dan het dit sy werk gedoen.

🔗 Luister meer:
👉    • Plaaslewe, Kultuur en Dans  

👉    / @artisan-p7l  

🎧 Skrywer, musiek & video: Wynand Bezuidenhout

🏷️ Hashtags:
#CapeVidal #StLucia #KampLewe #SafariCamping #SouthAfricaTravel #TentLife #AdventureLife #AfrikaansMusic #WynandBezuidenhout #BobbejaanKlimDieBerg #Artisan