Meta kthen ligjin per heqjen e TVSH per jahtet: Perjashtim me natyre klienteliste | ABC News Albania

Описание: Ligji për përjashtimin e jahteve dhe mjeteve të tjera lundruese nga TVSH në import nuk është dekretuar nga presidenti Ilir Meta.

Ky draft është kthyer në parlament për rishqyrtim me argumentin se është klientelist dhe preferencial.
Në arsyetimin e kreut të shtetit theksohet se ndryshimet në ligj nuk janë në harmoni me nevojat emergjente të vendit, si dhe me parashikimet e Institucioneve Financiare, të cilat raportojnë për përkeqësimin e situatës ekonomike në vendin tonë për shkak të COVID.

Ky përjashtim thuhet në relacion krijon një diferencim të trajtimit të mallrave të tjera të konsideruara luksi, apo kënaqësie, që jo vetëm i nënshtrohen tatimit mbi vlerën e shtuar, por dhe akcizës si dhe zvogëlon më tej bazën tatimore të Tatimit mbi Vlerën e Shtuar. Ndryshimet në ligj parashikojnë Përjashtimin nga tatimi mbi vlerën e shtuar në import të jahteve dhe të mjeteve të tjera ujore që përdoren për qëllime turistike, kënaqësie dhe argëtimi, jo më të vjetra se 20 vite.

Sipas relacionit shoqërues të projektligjit, nisma është hartuar me kërkesë të ministrisë përgjegjëse për turizmin dhe synon zhvillimin e nënsektorit të turizmit detar, nëpërmjet zhvillimit të infrastrukturës së marinave dhe rritjes së inventarit të mjeteve lundruese turistike. /abcnews.al
Per informacionet me te fundit klikoni:

Web: http://abcnews.al/

Facebook:   / abcnews.al  

Instagram:   / abcnewsal  

Subscribe kanalin tone ne: youtube:   / abcalbanian  

#abcnews #abcnewsalbania