Hökmdarın taleyi (2008) - bədii film - İbrahimxəlil xan

Описание: 12+

19-cu əsrin əvvəlləri. Qacarlar sülaləsinin davamçısı Fətəli şah xanlıqlara parçalanmış Azərbaycanı İran dövlətinin nüfuzu altında saxlamağa çalışır. Parçalanmış xanlıqlar isə bu mürəkkəb tarixi mərhələdə bir-birinə yaxınlaşıb vahid Azərbaycan dövləti yaratmağın yollarını axtarırar. Digər tərəfdən rus çarı I Aleksandr Rusiya imperiyasının sərhədlərini genişləndirir, Cənubi Qafqazı tam ələ keçirməyə cəhd göstərir. İbrahimxəlil xanın siyasəti ilə ətrafının razılaşmaması onun tək qalmasına gətirib çıxarır.
Film Nazirlər Kabinetinin 08.06.2004 tarixli sərəncamına əsasən dövlət sifarişi ilə çəkilib. Filmin çəkilişlərinə 2005-ci ildə başlanılıb. Çəkilişlər 2006-cı il oktyabrın 3-də yekunlaşdırılıb. 2007-ci ilin avqustun 1-nə qədər montaj prosesi olub. Otuzdan çox müəssisə bu film üçün işləyib: dövrə uyğun geyimlər tikilib, dövrün silahları, toplar, mərmilər, tüfənglər və s. zavodlarda sifariş olunub.
Filmin çəkilişləri Bakı, Gəncə, Şəki və Oğuzda aparılıb.
Film İlyas Əfəndiyevin “Hökmdar və qızı” əsərinin motivləri əsasında çəkilib.

İstehsalçı: A.S.V.A. Profi Studiya XXI Prodüser Mərkəzi
İlk baxış tarixi: 12.05.2008
Texniki göstəricilər: Arriflex Extrim 435, Arriflex 235, 35 mm Kodak, 16:9, Dolby 5.1
Büdcə: 1 000 000 manat
Janr: tarixi, müharibə, faciə

Mükafatlar:
1. X Şərq-Qərb Kinofestivalı – “Kişilik rəmzini tərənnüm edən ən yaxşı obraz – Fəxrəddin Manafov (2008, Bakı)
2. Zirvə mükafatı (2009, Bakı)

Rejissorlar: Ramiz Fətəliyev, Dilşat Fatxulin
Ssenari müəllifi: Elçin Əfəndiyev
Operator: Dilşat Fatxulin
Rəssam: Əziz Məmmədov
Bəstəkar: Polad Bülbüloğlu
Rollarda: Fəxrəddin Manafov (İbrahimxəlil xan), Günəş Mehdizadə (Ağabəyim ağa), Daniil Spivakovski (mayor Lisaneviç), Saydo Kurbanov (axund Mirmövsüm ağa), Vidadi Həsənov (Cavad xan), Aysu Əfəndiyeva-Xəlilova (Cavad xanın qızı), Pərviz Məmmədrzayev (Fətəli şah), İlya Şakunov (imperator I Aleksandr), Aleksandr Qalibin (knyaz Sisianov), Yuri Baliyev (general Portnyagin), Evklid Kürdzidis (birinci konsul Napoleon), Sənubər İsgəndərli (Tuba xanım), Rafiq Əliyev (Vanya yüzbaşı), Əli Cəfərov (Saday bəy)
Baş prodüser: Vaqif Əsədullayev