Бекболат Тілеухан аталық ұрық жөнінде таңқаларлық мәлімдеме жасады

Описание: Жасанды ұрықтану әдісімен туылғандар туысқан болуы әбден мүмкін. Осындай таңқаларлық мәлімдемені бүгін мәжілісте Бекболат Тілеухан жасап, жасанды ұрықтандыру орталықтары донорды шектеулі түрде қабылдасын деп талап қойды. Депутаттың айтуынша бір донордағы ұрықты бірнеше әйелге салатын болса, кейін гендік аурулар пайда болып, тіпті қан бұзылуы мүмкін. Оның үстіне жеті атаға толмай жатып, қан араласқан жағдайда да ұрпақтың денсаулығы өте нашар болады деп отыр.
Тексіз ұрпақ тарамасын десек, талапты күшейтуіміз керек деген депутат бір ұрық донорын ары кетсе екі-ақ адамға қолдансын деп отыр. Өйткені заң бойынша тиісті талаптардан өткен 35 жасқа дейінгі кез-келген азамат шексіз түрде ұрық өткізе алады екен.
БЕКБОЛАТ ТІЛЕУХАН, Мәжіліс депутаты:
– Анкетада жүзі бойы руы салмағы мамандығы көрсетіледі. Каталогтан көңіліңізге қонған адамды таңдап алады болды. Статистикаға келетін болсаңыз жыл сайын тек бір клиникада дәл осы жолмен 70 бала дүниеге келеді екен. Бұл ертең еліміздің түкпір-түкпірінен қаншама отбасыдан бір әкеден қаншама бала тарайын деп отыр. Ертең ол бір-біріне үйленуі мүмкін. Басқа болуы мүмкін.
Ал 2020 жылдың өзінде 5850 экобағдарлама өткізген бұл орталық бір жылда 140 қана донор қолданамыз дейді. Олар руы тұрмақ, донордың бала кездегі суретін де көрсетеміз дейді. Сондықтан депутаттың бұл тұжырымымен келіспейді.
АЯУЛЫМ БЕРІКБОЛҚЫЗЫ, Репродуктолог маман:
– Олар бір-бірінің донорын алмайды ғой, таңдамайды ғой. Қан тобына дейін бар, қайсысын қалайсыз, көзінің түсіне дейін, шашының түсіне дейін бойы, салмағы дейміз соның бәрі анкетаға кіреді. Сондықтан ондай туыстық жағы деген өте сирек, енді нөл нөл бір пайыз кездеспесе.
Сонымен қатар донорға жүгінген отбасыға таңдау мүмкіндігі кезінде де, барлық орын алуы мүмкін гендік қателіктерді де ескертеміз дейді клиника мамандары. Ал оған қарамастан келушілер оны таңдап жатса, ол өз еріктері дейді.
Әлібек Шынтемір Ринат Абулхайыров







Бізді әлеуметтік желіде оқыңыздар:
Youtube -   / @informburo31kanal  
Facebook -   / informburo31  
Instagram -   / informburo31  
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#ЭКО #Бекболат_Тілеухан #репродукция