ချောင်းဦး သီတင်းကျွတ်မီးထွန်းပွဲ ဗုံးကြဲခံရမှု အစုလိုက်အပြုံလိုက်သေဆုံး (ရုပ်/သံ)

Описание: ဧရာဝတီ၊ အောက်တိုဘာ ၇၊ ၂၀၂၅

စစ်ကိုင်းတိုင်း၊ ချောင်းဦးမြို့နယ်၊ ဘုံတိုကျေးရွာမှာ အောက်တိုဘာ ၆ ရက်၊ သီတင်းကျွတ် လပြည့်ည မီးထွန်းပွဲ ကျင်းပနေချိန် လူအုပ်တည့်တည့်ကို အာဏာသိမ်းစစ်တပ်က စက်တပ်လေထီးနဲ့ ဗုံးကြဲ တိုက်ခိုက်ခဲ့တာကြောင့် ကလေးငယ်တွေအပါအဝင် ၃၀ နီးပါး အစုလိုက်အပြုံလိုက် သေဆုံးခဲ့ရပါတယ်။

အပြင်းအထန်ထိခိုက်ဒဏ်ရာရသူ ၅၀ လောက်ရှိနေပြီး ဒီသေဆုံးအရေအတွက်ဟာ အောက်တိုဘာ ၇ ရက် နေ့လည်ပိုင်းအချိန်အထိ အလောင်းကောက်ယူရရှိတာနဲ့ လက်လှမ်း မှီသလောက် သိရှိထားရတဲ့ စာရင်းဖြစ်တဲ့အတွက် သေဆုံးသူ အရေအတွက်က ထပ်တိုးလာ နိုင်တယ်လို့ ပြောပါတယ်။

ဧရာဝတီက ရရှိထားတဲ့ ဓာတ်ပုံမှတ်တမ်းတွေမှာတော့ ဗုံးထိမှန်သေဆုံးနေတဲ့အထဲမှာ ကလေးငယ်တွေပါဝင်တာကိုလည်းတွေ့ရသလို ခန္ဓာကိုယ်စုစည်းလို့မရတော့ဘဲ တစစီ ဖြစ်သွားတဲ့ ရုပ်အလောင်းတွေကိုလည်းမြင်တွေ့ရပါတယ်။

#မြန်မာ #ဧရာဝတီ #သီတင်းကျွတ် #မီးထွန်းပွဲ #စက်တပ်လေထီး #ဗုံးကြဲ #ချောင်းဦး #စစ်ကိုင်း #WhathappensInMyanmar
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/supporttheirrawaddy