شيلة ثلاثية الابعاد كلمات/ عمران الزراقي أداء/ خالد ال بريك

Описание: شيلة زواج الشاب عمر بن شداد ابن حباب الروقي العتيبي

كلمات : عمران الزراقي

أداء : خالد ال بريك


القصيدة

سرى الليل و الذكرى ثلاثية الابعاد
بعد ما تغيب الشمس تبدا طواريها

على الساعة الثنتين في وقتها المعتاد
عسى الله يعين اللي سواتي يعانيها

حنينٍ على الماضي وشوق وعناء وجهاد
وجمرة غضى لاهبت الريح تحييها

ماينفع مجاريح المشاعر دواء وضماد
ولا فيه طبٍ لـ المشاعر يداويها

ياكم ذكرياتٍ نزفها فالحنايا حاد
لو اتصنع النسيان مانيب ناسيها

ولا اسج عنها غير بالبارق الرعاد
ورى مزنةٍ غراء نشت من مناشيها

عسى الله يجيب اللي تباشر به الأرصاد
يعم الجزيرة كلها لين يسقيها

يسرّي من البحر الحمر برقه الوقاد
ولا فيه ديرة منه ماسال واديها

عمومًا على ذكر الحيا نذكر الاجواد
هل الطيب مثل الغيث نسمع بطاريها

هذا ابو فهد شداد والنعم يا شداد
ابو وقفةٍ في كل ميقاف حاميها

ابن عَمْر ابن طمشة بعيد النظر والماد
كريمٍ فعوله تتعب اللي يناحيها

و عَمْر اشتهر صيته مع الحاضره والباد
مسيرة فخر ما يجهل المجد راعيها

رحل والفعول مخلدة فالزمن واجداد
عسى جنة الفردوس مثواه عاليها

سلايل حباب اللي لهم مشيخة واشداد
شيوخٍ على الطالات طالت يمانيها

دهاةٍ تسلسل مجدهم من على الأجداد
واهل حلةٍ ما يلحق الضيم ناصيها

وفـ الليلة اللي كنها ثالث الأعياد
حفل عَمْر جعل سنينه الله يهنيها

عسى ايام عمره بالسعد والهنا تزداد
نبارك له وضيفانه الله يحييها

هلا مرحبا ترحيبةٍ مالها عداد
تراحيبنا اللي ماتغير مباديها

تراحيب مع عود ازرق و دلة وبراد
بعدها صحون اللي شحمها مغطيها

وربعي ذوي زراق لن عدوا الرواد
يهوّلك حاضرها ويذهلك ماضيها

على الاولة نقدم ونقلط على الاشهاد
ومن له عوايد عادته ما يخليها

وروسٍ عنادية ليا جاء دحم وعناد
وهقواتنا فوق الكبار وهقاويها

ولن دارت الهيجاء وجاء للبرى رداد
نرد البرى وعيون الاخصام نعميها

وحنا عتابة فعلنا يوجع الحساد
ياكم كبد نبهجها وكم كبد ندميها

لنا واقف التاريخ في وضع الاستعداد
وفي كل يوم النا بطولات يرويها

على المجد الاول كل لحظة نضيف امجاد
يبى يتعب التاريخ ماهوب محصيها

عمران الزراقي


#خالدالبريك #خالد_البريك #عتيبه #روق #عمران_الزراقي #شيلة_حماسية #شيلة_البريك#تيك_توك البريك #شيلة #عتيبة #اكسبلور #لايك #ترند #لايك #تصميمي #البريك #البارق_الرعاد