1-ព្រះនាងសោមា (Queen Soma)

Описание: ប្រសិនបើហៅតាមភាសាខ្មែរបុរាណ ព្រះនាងសោមា មានគោរមងារជា កុរុង ដូច្នេះអ្នកបុរាណវិទ្យាតែងសរសេរថា កុរុងសោមា។ យោងតាមឯកសារចិនគេហៅព្រះនាមរបស់ព្រះនាងសោមាថា លីវយី (Liǔyè 柳葉) ចំណែកឯខាងរឿងព្រេងខ្មែរវិញបានហៅព្រះនាងថា នាងនាគ ដោយផ្អែកទៅលើជំនឿថា ព្រះនាងជាបុត្រីស្ដេចភុជង្គនាគ។​ គេមិនទាន់រកឃើញឯកសារណាដែលបញ្ជាក់ពីពេលវេលានៃការប្រសូត្រ និងការសោយទិវង្គតរបស់ព្រះនាងសោមា ឬលីវយី ឬព្រះនាងនាគនោះឡើយ។ ម្យ៉ាងវិញទៀត ទីតាំងរាជធានីពិតប្រាកដនៃនគរគោកធ្លក ឬរាជាណាចក្រភ្នំដំបូងនេះ ក៏ស្ថិតក្នុងភាពមិនច្បាស់លាស់នៅឡើយ ប៉ុន្តែមានសមត្ថកម្មមួយដែលលើកឡើងថា មូលដ្ឋានដំបូងរបស់នគរភ្នំទំនងជានៅតំបន់អូរកែវ នាខេត្តក្រមួនស ទឹកដីកម្ពុជាក្រោមសព្វថ្ងៃ ពីព្រោះប្រជាជនខ្មែរនាសម័យនោះចាប់ផ្ដើមការរីកចម្រើនដំបូង តាមរយៈកំពង់ផែនៅក្បែរសមុទ្រ និងការលក់ដូររបស់របរក្នុងស្រុកជាមួយពួកឈ្មួញមកពីឥណ្ឌានិងចិន។ អ្នកជំនាញខាងកំណាយអន្តរជាតិក៏បានរកឃើញភស្ដុតាង និងបុរាណវត្ថុជាច្រើននៅស្ថានីយបុរាណវិទ្យានាទឹកដីអូរកែវនេះផងដែរ៕


សូមចូលរួមជាមួយករណីសិក្សាអំពីប្រវត្តិសាស្ត្រទាំងអស់គ្នា (Please join the case study of history together.)