Kërkesa e SPAK/ Debate në mbledhjen e Këshillit për Mandatet dhe Imunitetin

Описание: Ka nisur me debate mbledhja e Këshillit për Mandatet dhe Imunitetit mes opozitës dhe mazhorancës, pas kërkesës së SPAK për heqjen e imunitetit të zv.kryeministres Belinda Balluku.

Kreu i grupit parlamentar demokrat, Gazmend Bardhi ka kërkuar që mbledhja të jetë me dyer të hapura dhe mediat të jenë prezente për të qenë transparent me publikun. Ai ka hedhur akuza kundrejt mazhorancës sa i përket zvarritjes së mbledhjes së Këshillit për Mandatet dhe Imunitetin, si dhe heqjes së imunitetit të zv.kryeministres Belinda Ballukut prej dy muajsh tashmë.

Ndërkohë socialistët kanë deklaruar se diskutimet që do të zhvillohen në mbledhjen e sotme, janë konfidenciale dhe i përkasin një sekreti hetimor.

“Prej më shumë se një orë e 30 minuta vijojnë debatet në mbledhjen e këshillit të rregullores për imunitetin dhe mandateve. Është hera e dytë që mblidhet për të shqyrtuar kërkesën e SPAK për heqjen e imunitetit të zv.kryeministres Belinda Balluku.

Që në nisje të mbledhjes ka pasur debate. Kreu i grupit parlamentar të PD , Gazment Bardhi ka kërkuar që në nisje që mbledhja të zhvillohet me dyer të hapura për publikun dhe mediat të jenë prezentë.

Ai ka hedhur akuza kundrejt socialistëve sa i përket zvarritjes së mbledhjes dhe heqjes së imuniutetit të Ballukut prej dy muajsh tashmë.

Socialistët nga ana tjetër kanë kërkuar nga ana e opozitës që të respektojë vendimin që mbledhja të jetë me dyer të mbyllura duke qenë se dhe SPAK e ka bërë këtë kërkesë, pasi informacionet të cilat pritet të diskutohen në mbledhjen e sotme janë konfidenciale dhe i përkasin një sekreti hetimor”, bëri me dije gazetarja e RTSH, Jonida Omeri.

Në mbledhjen e sotme, sikurse dhe në atë që u zhvillua më 19 dhjetor, po marrin pjesë Kreu i SPAK, Klodian Braho, si dhe prokurorët e çështjes Dorina Bejko dhe Dritan Prençi.

Dy muaj më parë, Gjykata Kushtetuese pezulloi efektet e vendimit të GJKKO-së për pezullimin nga detyra të Zëvendëskryeministres dhe Ministres së Infrastrukturës dhe Energjisë, Belinda Balluku.

Në mbledhjen e Gjyqtarëve të zhvilluar më 12 dhjetor 2025, Gjykata shqyrtoi kërkesën e depozituar nga Kryeministri Edi Rama më 21 nëntor, i cili pretendonte se GJKKO kishte tejkaluar kompetencat duke cenuar imunitetin e anëtarit të kabinetit qeveritar.

RTSH 24 është një kanal informativ i paketës së RTSH. Informacionet vijnë në kohe reale nga gazetarët dhe lidhjet direkte nga terreni. Lidhje direkte për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. Qëllimi kryesor është informimi me paanshmëri i qytetarëve.

Subscribe to our YouTube Channel:
http://bit.ly/3H0S7oQ

Find us at:
https://www.rtsh.al/

Follow us on social
Follow us and get updates from RTSH on social media:
Facebook:  / rtshqiptar  
Instagram:  / rtshqiptar  
Twitter:  / rtshqiptar  
Tik Tok:  / rtshqiptar  


#RTSH24#RTSH#RadioTelevizioniShqiptar