اوبريت الجزالة لقبيلة ال عاطف بن سلطان

Описание: اوبريت الجزاله لقبيلة ال عاطف بن سلطان ال مطلق
كلمات الشعراء:

عوض ابن لجعه عايض ابن قنيفذ
حمد ابن صايله مريريق ابن حريقد
سعيد ابن جهامان علي ابن بغيه

اداء المنشدين:
فهد ابن فصلا الهاجري
صوت يام ناجي ابن باصم
بندر ابن عوير القحطاني

*********************************
#########################
**********************************

حيث تمت صياغته لتكون بدايته على نهج العرضة السعودية🇸🇦🇸🇦🇸🇦🇸🇦
موال العرضه السعوديه:

على مباديء المجد والجوّاخ
ذكر الفخر للقاف طاب وناخ
مجد جديد فوق مجدٍ سالف
وعاطف ابن سلطان نبراسه

حنا ال مطلق يالمديح اعتّد
وياذكرنا التاريخ بك يمتّد
و رأس الشبل على الوفاء حالف
وعاطف ابن سلطان نبراسه

*************************
###################

البداية بذكر الله منقاده
والولاء نعلنه والنـار وقـاده
للملك ولولي العهد والقاده
[[ بـ أسم يام الحلام وكل همداني ]]

وال عاطف ابن سلطان ابن مطلق
كـل حُـرٍ شجـاعً وافيً مطلق
قسمهم فالجزال وسهمهم مطلق
[[ ويكسبون الفخر في كل ميداني ]]

*************************
###################
العود الأزرق يدور .. وطيبنا سرمدي
يـاراعي الـدلـه __ لضيفانها صـبّـها

يامرحبا يالنشاما من ضميرً مدي
أصفا من الجمه اللي صافيً غـبّـها

في قصر جمع ال عاطف والنظر للجدي
مـا تـنجحد سـيرةً في المجد يكتَـبّـها


*************************
###################
قصرنا شيد لخدمة وطنا
وللنواميس رد العلم عنا
والهقاوي تـعـدا كل ضنا
((حن هل العِرف والفعل السيادي ))

صرحنا شامخً بـأسم القبيله
ساسه الطيب وركونه ضليله
في ذرى اللي مواقفهم جليله
((محتمينه على سِلم ومبادي ))

في حدود الوطن ثابت و راسي
يشبه طويق من بين الرواسي
وجِهة اللي عليه الوقت قاسي
(( ومدهلً للشلايل والقوادي ))

ورآية العز من فوق السحايب
نـايـفـه ما تـزعـزعـها النوايب
يحتمي دونها غمـرٍ وشايب
( فـ العصور القديمه والجدادي )

*************************
###################
يالمزنه العقربيه أبـرقي وأرعدي
لي لابـةً تقدح النيران وتشبّها

كل أصوكً جـاذبـه جده وكفه ندي
مرقـاه عيطا الذيـاب اللي تقانب بّـها

حنا هل المعجزات وفعلنا يشهدي
الهمه أنشـدهـا ....والقمه أنـذبّـهـا

*************************
###################

وياسلامي كل ما عِـدة أسمـانـا
نعتزي ونشوش من طيب مبدانا
ومنسف الطيار والجوخ يـزهانـا
[[[ عجمة الوادي وزبن الجلاويه]]]]

حن هل الردات حماية التالي
من زهم جيناه رجلي وخيالي
صيتنا يرقا على المرقب العالي
[[[والمعادي نخلفه من هقاويه]]]

*************************
###################
⚡️⚡️⚡️⚡️⚡️⚡️⚡️⚡️
لاح بـرق الـعـز في ثـار البهيه
ديـرة الجدان والروس العصيه
مصنع أرجال المكارم والحميه
(( العوادي لا نشدت من العوادي ))

حي روسً فـ المواقف مـاتـغـبأ
عادها من فوق هجن وسرج قبأ
العلوم مجمله ... ياللي تـنـبـأ
((والحدث عِمم على حضّر وبوادي ))

*************************
###################
والرفق دونه أنشد الحزام
سعِد من له رفيقً ما يضام
لابتي كـلهـم ذروة سنـام
( مايهمون ميلات الظروف )

سطري يالمواقف وأكـتـبي
ماقفً يجعل الشايب صبي
ألعبي يا هجوسي واطربي
( وأفخري في مقاديم الصفوف )


افتتاح ضيافة ال عاطف بن سلطان
محافظة ثار
نجران

ال مطلق، ال عاطف بن سلطان، ال مخلص، يام، وعيل، فهد ابن فصلا، بندر بن عوير، ناجي بن باصم، صوت يام صوت العرب السعودية عيد الفطر