لو ماخدمتك | الرادود الملا عبدالهادي البطيان | محرم الحرام 1444 هــ

Описание: استقبال محرم الحرام 1444هــ
قصيدة : لو ماخدمتك
الرادود الحسيني : الملا عبدالهادي البطيان
الشاعر الحسيني : أسامه محمد الناصر الأحسائي
الحسينية الحيدرية

تنفيذ وإنتاج : لجنة العزاء بقرية بني معن

.................................................
تابعونا على منصات التواصل

اليوتيوب |
https://bit.ly/3fA4LeE
ألانستغرام |
https://bit.ly/2BYIr0h
الفيس بوك |
https://bit.ly/2XsM468
سناب شات |
https://bit.ly/2DyIMr6
.......................................................
القصيدة مكتوبة

[ لو ما خدمتك ]

- - [ المستهل ] - - -

رغم الذّنوب .. جيتك اخدمك
رايد اتوب .. خليني يمّك
بذنوبي غارق وانته المنجّيني
لو ما خدمتك ضايع آنا بـ ديني
- - [1] - - -
كل باب دقيته ولا واحد فتح لي قلبه
المن اروح آنا احترت صارت حياتي صعبه
ضليت وحدي بهالزمن وقليبي عايش غربه
قالوا لي لو رايد وطن مولاي امشي بدربه

كل الامان .. تلقاه عنده
رايد حنان؟ .. بس روح وقصده
انته اللي تمسح مني دمعة عيني
لو ما خدمتك ضايع آنا بـ ديني
- - [2] - - -
بس بابك بوجهي انفتح وانته الخذتني بحضنك
حتى النفس يا سيدي اتنفس آنا منك
احچي واسولف يم هلي وكل السوالف عنك
عندي طلب يا سيدي خلني اعيشن حزنك

يالمنذبح .. محتاجك اهواي
بيه جرح .. بس عندك دواي
لو ما اخدمك آنا هسّه ويني
لو ما خدمتك ضايع آنا بـ ديني
- - [3] - - -
من اعثر آنا سيدي بس انته اشوفه اقبالي
تلزمني بيدك ياحسين يا اغلى من كل غالي
ماعندي غيرك ياوطن ماعندي غيرك والي
متكدر آنا امن الزمن وانته اللي تعلم حالي

يمك انا .. كل عمري يحسين
طول السنه .. تبچي لك العين
رايد إمامي بعينك تخليني
لو ما خدمتك ضايع آنا بـ ديني
- - [4] - - -
ناداني قلبك سيدي يوم البچيت بحسره
مكسور يحسيني انا وصوتك جبر لي الكسره
مو طبعك ترد الخدم اقسم وحق الزهره
المايخدمك يابوعلي ضايع بلا شك عمره

طول السنين .. مفتوح بابك
آه ياحسين .. طوّل غيابك
ناسيك عذراً و انته مو ناسيني!
لو ما خدمتك ضايع آنا بـ ديني
- - [5] - - -
ضمّاني قلبك سيدي بطِيبة حنانه وعطفه
بردان قلبي امن الوكت بس بحنانك يدفه
ماقصر ويايه شكثر مولاي كفّى و وفّه
خلاني اعيش بجنته وخلاني اشوفن لُطفه

من اذكرك .. تبچي هالعيون
شلون اشكرك .. مولاي وشلون
مثلك ابد ماحصّلت يـ حسيني
لو ما خدمتك ضايع آنا بـ ديني
- - - - - - - - - - - - - -
خادم الزهراء اسامة محمد الناصر